الماتىنىڭ پوليسيا قىزمەتكەرلەرى پاتەر ۇرىسىن ۇستادى.
ارنايى ءىس-شارانى قالالىق كريمينالدىق پوليسيا باسقارماسى، الاتاۋ اۋداندىق پوليسيا باسقارماسىنىڭ قىزمەتكەرلەرى پوليسيانىڭ ارنايى جاساقتارىنىڭ كومەگىمەن جۇرگىزدى، دەپ حابارلايدى Almaty-akshamy.kz.
«قىلمىستىق ءىس ماتەريالدارىنا سايكەس، بەلگىسىز بىرەۋ "كوكقاينار" شاعىناۋدانىنداعى ۇيلەردىڭ بىرىنە تەرەزەنى بۇزۋ ارقىلى كىرگەن. “ۆيزيتەر” جابىرلەنۋشىلەردىڭ جەكە مۇلكىن ۇرلاپ، ولارعا 5 ميلليون تەڭگە ماتەريالدىق شىعىن كەلتىرگەن. وسى دەرەك بويىنشا ۇرلانعان مۇلىكتى ساتىپ الۋشى دا انىقتالدى. ول الماتى وبلىسىنىڭ تۋماسى، 24 جاستاعى ك. ەسىمدى ازامات. باستى ورىنداۋشى 28 جاستا. ول ءوز كىناسىن تولىق مويىندادى. اتالعان دەرەك بويىنشا 188-باپتىڭ 3-بولىگىنە (ۇرلىق) سايكەس قىلمىستىق ءىس قوزعالدى. ۇستالعان ادامنىڭ “قىزمەتىنە” قاتىستى قوسىمشا ەپيزودتاردى انىقتاۋ بويىنشا قاجەتتى شارالار قابىلدانىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.