قازاقستان وتكەن جىلى جەتى ەلگە 10 جاڭا اۋە باعىتىن اشتى.
ەندى قازاقستاندىقتار ميلان (يتاليا)، يراكليون (گرەكيا)، نياچانگ (ۆەتنام)، كۋۆەيت (كۋۆەيت)، انكارا (تۇركيا)، ماە ارالى (سەيشەل ارالدارى) مەن تۇمەنگە (رەسەي) تىكەلەي قاتىناي الادى، دەپ حابارلايدى Almaty-akshamy.kz.
جاڭا باعىتتاردىڭ اشىلۋى ەلگە شەتەلدىك تۋريستەردىڭ كوپتەپ كەلۋىنە اسەر ەتتى.
مىسالى، وتكەن جىلى قازاقستانعا كەلگەن شەتەلدىك تۋريستەر سانى الدىڭعى جىلمەن سالىستىرعاندا 3 ەسەگە ارتتى.
«ءقازىر تۋريزم كوميتەتى جاڭا اۋە باعىتتارىن اشۋ بويىنشا جۇمىس ىستەپ جاتىر. ۇيىمداستىرۋ شارالارى اياقتالعان كەزدە ءبىز جۇرتشىلىقتى حاباردار ەتەمىز. تىكەلەي رەيستەردىڭ اشىلۋى ەلىمىزدىڭ تۋريستىك تارتىمدىلىعىن ارتتىراتىنى ءسوزسىز. مىسالى، بىلتىر اتىراۋ وبلىسىنا بارعان تۋريستەر سانى 3،5 ەسە وسكەن. بۇل ءوڭىردىڭ ترانزيتتىك الەۋەتىنە دە بايلانىستى.
قازاقستانعا كەلگەن ءاربىر 4ء-شى تۋريست الماتى قالاسىنا بارادى. 2022 جىلى وڭتۇستىك استانامىز 1،2 ملن استام تۋريست قابىلداعان. بۇل رەكوردتىق كورسەتكىش. ەلىمىزدەگى تاۋ شاڭعىسى كۋرورتتارىنا كەلگەن تۋريستەر سانى 1،5 ميلليونعا دەيىن جەتتى. جىل سايىنعى ءوسىم 20% قۇرادى. ەلىمىزدەگى تاۋ شاڭعىسى تۋريستەرىنىڭ سانى جاعاجاي تۋريستەرىنىڭ سانىمەن تەڭەستى»، – دەپ اتاپ ءوتتى مادەنيەت جانە سپورت ۆيسە-مينيسترى ەرجان ەركىنبايەۆ.