توتەنشە جاعدايلار دەپارتامەنتى نىسان يەلەرىنە قۇرىلىس-مونتاج جۇمىستارىن جۇرگىزۋ كەزىندە ءورت قاۋىپسىزدىگى ەرەجەلەرىن ساقتاۋدى سۇرايدى.
ساين مەن شالياپين كوشەلەرىنىڭ قيىلىسىندا سالىنىپ جاتقان عيماراتتىڭ جابىنى ورتەندى، دەپ حابارلايدى Almaty-akshamy.kz قالالىق تجد باسپا ءسوز قىزمەتىنە سىلتەمە جاساپ.
قالالىق توتەنشە جاعدايلار دەپارتامەنتىنىڭ مالىمەتىنشە، 21 ماۋسىم كۇنى تاڭعى ساعات 09:46 شاماسىندا اۋەزوۆ اۋدانىنداعى «استانا» ىقشاماۋدانى، 1/10 مەكەنجايى بويىنشا جوعارى دارەجەلى ءورت ءسوندىرۋ بولىمشەلەرى شىقتى.
«ءورت ءسوندىرۋ بريگاداسى وقيعا ورنىنا ءتورت مينۋتتا جەتتى. ولار سالىنىپ جاتقان عيماراتتىڭ جابىنى ورتەنىپ جاتقانىن انىقتادى، ءقازىر تارالۋ ءقاۋپى جوق. 10 مينۋتتىڭ ىشىندە ءورت وقشاۋلانىپ، 10:09-دا ءسوندىرىلدى. زارداپ شەككەندەر مەن قازا تاپقاندار جوق»،- دەپ حابارلاندى الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتىنەن.
توتەنشە جاعدايلار دەپارتامەنتى نىسان يەلەرىنە قۇرىلىس-مونتاج جۇمىستارىن جۇرگىزۋ كەزىندە ءورت قاۋىپسىزدىگى ەرەجەلەرىن ساقتاۋدى سۇرايدى.