قاتتى جاۋىن-شاشىن بولادى.
الماتى قالاسىنىڭ قۇتقارۋشىلارى 21-23 ماۋسىم كۇندەرى قاتتى جاۋىن-شاشىن بولاتىنىن ايتىپ، ەسكەرتۋ جاسادى، دەپ حابارلايدى Almaty-akshamy.kz.
«الماتى تاۋلارىندا قاتتى جاۋىن-شاشىن بولجامىنا بايلانىستى 2022 جىلدىڭ 21-23 ماۋسىم ارالىعىندا الماتى قالاسى ماڭىنداعى تاۋلى اۋدانداردا باۋرايلىق اعىننىڭ قالىپتاسۋى جانە وزەندەردە سۋ دەڭگەيلەرىنىڭ كوتەرىلۋى كۇتىلەدى»،- دەلىنگەن الماتى قالاسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارلاماسىندا.
وسىعان بايلانىستى ماماندار تۇرعىنداردى قاتتى جاۋىن-شاشىن كەزىندە عيماراتتار مەن ءۇي-جايلاردان شىقپاۋعا شاقىردى.
«ماشينالاردى اعاشتاردىڭ استىنا قالدىرماڭىز! «112» ەسكەرتۋ سيگنالدارىن جانە بۇقارالىق اقپارات قۇرالدارىنىڭ، تەلەديداردىڭ، راديونىڭ حابارلامالارىن قاداعالاڭىز!» - دەپ ەسكەرتتى.