اۋىل مەكتەبى ءۇشىن جاقسى تابىس.
وقۋ-اعارتۋ ءمينيسترى اسحات ايماعامبەتوۆ پاۆلودار وبلىسىنداعى اۋىل مۇعالىمدەرىمەن كەزدەستى، دەپ حابارلايدى Almaty-akshamy.kz.
اسحات ايماعامبەتوۆ پاۆلودار وبلىسىنىڭ ءبىلىم بەرۋ نىساندارىن ارالالاپ، جەتەكشى اۋىلىنىڭ مەكتەبىندە مۇعالىمدەرمەن اڭگىمەلەسىپ، وقۋ باعدارلامالارى مەن جازعى مەكتەپتىڭ قورىتىندىسىن تالقىلادى. سونداي-اق جالاقى تاقىرىبى دا نازاردان تىس قالمادى. مىسالى، 12 جىلدىق تاجىريبەسى بار ينفورماتيكا ءپانىنىڭ ءمۇعالىمى جالاقىسى 400 مىڭ تەڭگەگە جۋىق ەكەنىن جانە بۇل اۋىل مەكتەبى ءۇشىن جاقسى تابىس ەكەنىن ايتتى.
«جالپى، مەكتەپتىڭ جاعدايى قاناعاتتانارلىق، ساباق وتكىزۋگە جاقسى جاعداي جاسالعانىمەن، «وقۋعا قۇشتار مەكتەپ» جوباسى ءتيىستى دەڭگەيدە ورىندالماعان، ساتىپ الىنعان ادەبيەتتەر مينيسترلىكتىڭ ۇسىنىستارىنا ساي كەلمەيدى جانە بالالارعا قىزىقتى باسىلىمدار از. بۇل باعىتتا ءتيىستى جۇمىستار جۇرگىزىلۋى قاجەت»، - دەپ جازدى مينيستر جەلىدەگى پاراقشاسىندا.