2022 جىلى قالالىق موبيلدىلىك باسقارماسى ۇزىندىعى 57 شاقىرىم بولاتىن الماتىنىڭ 19 ماگيسترال كوشەسىن جوندەۋدى جوسپارلاپ وتىر.
الماتى اكىمدىگى جازدا جوندەۋدى جوسپارلاپ وتىرعان ءىرى كوشەلەر ءتىزىمىن جاريالادى، - دەپ حابارلايدى Almaty-akshamy.kz
باسقارما مالىمەتىنشە، جوندەۋ جۇمىستارى بارىسىندا بورديۋرلەر جارتىلاي اۋىستىرىلادى جانە جول جابىنى جاڭارتىلادى.
الماتىدا 2022 جىلى مىنا ماگيسترال كوشەلەر جوندەلەدى:
- شىعىس اينالما اۆتوموبيل جولى (يشتۆان قوڭىر كوشەسىنەن جاربۇلاق وزەنىنە دەيىن)، جوندەۋ جۇمىستارى 2010 جىل بۇرىن جاسالعان.
- ساين كوشەسىندەگى (جاندوسوۆ كوشەسىنەن رايىمبەك داڭعىلىنا دەيىن) كولىك ايرىعى، 2014 جىلى جوندەلگەن.
- اباي داڭعىلى (ساين كوشەسىنەن ۇلكەن الماتى وزەنىنە دەيىن)، 2009 جىلى جوندەلگەن.
- ناۋاي كوشەسى (جاندوسوۆ كوشەسىنەن تورايعىروۆ كوشەسىنە دەيىن)، جوندەۋ جۇمىستارى 2013 جىلى بولعان.
- رىسقۇلوۆ داڭعىلى (نەميروۆيچ-دانچەنكو كوشەسىنەن كۋدەرين كوشەسىنە دەيىن، بوكەيحانوۆ كوشەسىنەن جانگەلدين كوشەسىنە دەيىن)، جوندەۋ جۇمىستارى 2013 جىلى جۇرگىزىلگەن.
- رايىمبەك داڭعىلى (سايىن - رايىمبەك كوشەسىنەن جۋالى كوشەسىنە دەيىنگى كولىك ايرىعى)، جوندەۋ جۇمىستارى 2013 جىلى بولعان.
- وتەمىس ۇلى كوشەسى (№2/10 ۇيدەن ءۇاااج بويىنداعى كوشەگە دەيىن، دۋبلەرلەرى دە).
- سەيفۋللين داڭعىلى (الدار كوسە كوشەسىنەن قازىبەك بي كوشەسىنە دەيىن)، جوندەۋ جۇمىستارى 2016 جىلى جاسالعان.
- بايتۇرسىنوۆ كوشەسى (اباي داڭعىلىنان قۇرمانعازى كوشەسىنە دەيىن، تيميريازيەۆ كوشەسىنەن № 185 ب اكىمشىلىك عيماراتىنا دەيىن)، جوندەۋ جۇمىستارى 2013 جىلى بولعان.
- قازىبەك بي كوشەسى (ايتييەۆ كوشەسىنەن مۇقانوۆ كوشەسىنە دەيىن، بايتۇرسىنوۆ كوشەسىنەن جەلتوقسان كوشەسىنە دەيىن)، جوندەۋ جۇمىستارى 2016 جىلى بولعان.
- قابانباي باتىر كوشەسى (قوجامقۇلوۆ كوشەسىنەن بايتۇرسىنوۆ كوشەسىنە دەيىن)، جوندەۋ جۇمىستارى 2017 جىلى بولعان.
- شاگابۋتدينوۆ كوشەسى (اباي داڭعىلىنان جامبىل كوشەسىنە دەيىن، قاراساي باتىر كوشەسىنەن تولە بي كوشەسىنە دەيىن)، جوندەۋ جۇمىستارى 2008 جىلى بولعان.
- روزىباكييەۆ كوشەسى (ءال-فارابي داڭعىلىنان رايىمبەك داڭعىلىنا دەيىن)، جوندەۋ جۇمىستارى 2008 جىلى بولعان.
- بوكەيحانوۆ كوشەسى (رايىمبەك داڭعىلىنان سولتۇستىك اينالىم كولىك ايرىعىنا دەيىن)، جوندەۋ جۇمىستارى 2008 جىلى بولعان.
- رايىمبەك داڭعىلى (نازاربايەۆ داڭعىلىنان تورەتاي كوشەسىنە دەيىن)، جوندەۋ جۇمىستارى 2013 جىلى بولعان.
- جولداسبەكوۆ كوشەسى (دوستىق داڭعىلىنان نازاربايەۆ داڭعىلىنا دەيىن)، جوندەۋ جۇمىستارى 2010 جىلى بولعان.
- مەڭدىقۇلوۆ بۋلۆارى (جولداسبەكوۆ كوشەسىنەن قاجىمۇقان كوشەسىنە دەيىن)، جوندەۋ جۇمىستارى 2013 جىلى بولعان.
- ءاشىموۆ كوشەسى (شالياپين كوشەسىنەن رايىمبەك داڭعىلىنا دەيىن، دۋبلەرمەن)، جوندەۋ جۇمىستارى 2007 جىلى بولعان.
- جۇمابايەۆ كوشەسى (سەيفۋللين داڭعىلىنان سولتۇستىك اينالىم كوشەسىنە دەيىن)، جوندەۋ جۇمىستارى 2013 جىلى بولعان.
«كوشەلەردى تەكسەرۋ بارىسىندا جول توسەمىندە كوپتەگەن شۇڭقىر، جارىقتار، قابىرشىقتانۋ، ينجەنەرلىك كوممۋنيكاسيا جۇمىستارى جۇرگىزىلگەننەن كەيىن توسەمنىڭ شوگۋى انىقتالدى. كوشەلەردىڭ ءتىزىمى قالا اۋداندارى اكىمدەرىنىڭ اپپاراتىمەن كەلىسىلىپ، بەكىتىلدى»، - دەپ حابارلادى الماتى اكىمدىگى وكىلدەرى.
2022 جىلى قالالىق موبيلدىلىك باسقارماسى 18،5 ميلليارد تەڭگە سوماعا ۇزىندىعى 200 شاقىرىم الماتىنىڭ 224 كوشەسىندە جول جابىنىن ورتاشا جوندەۋ جۇمىستارىن جۇرگىزۋدى جوسپارلاپ وتىر.
اكىمدىك وكىلدەرى جوندەۋ جۇمىستارى كۇزدىڭ سوڭىنا دەيىن اياقتالاتىنىن ايتتى.