وڭىردە بولعان سوڭعى جاعدايلار كاسپيي تەڭىزىنىڭ ماڭىزىن ارتتىردى. ق ر پرەزيدەنتى قاسىم-جومارت توقايەۆ التىنشى كاسپيي سامميتىندە ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۇرىن-سوڭدى بولماعان جاھاندىق داۋىل» جاعدايىندا كاسپيي تەڭىزىنىڭ ماڭىزى ارتۋدا. ويتكەنى ونىڭ گەوستراتەگيالىق ورنالاسۋ جاعدايى، تابيعي رەسۋرستارعا بايلىعى، بىرەگەي تاسىمال الەۋەتى تارتىمدى. اقتاۋ ءسامميتى بۇكىل الەم قاۋىمداستىعىنا كاسپيي جاعاسىنداعى ەلدەردىڭ اسا كۇردەلى ماسەلەلەردى بەيبىت جولمەن، تاتۋ كورشىلىك قاتىناستار ارقىلى شەشە الاتىنىن كورسەتتى»، - دەدى مەملەكەت باسشىسى.
پرەزيدەنت كاسپيي تەڭىزىنىڭ قۇقىقتىق مارتەبەسى تۋرالى قۇجاتتىڭ بەكىتىلۋىن سونىڭ ايعاعى رەتىندە اتادى.
«كوپ جىلدارعا جالعاسقان كەلىسسوزدەردەن كەيىن كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلۋى وسىنىڭ ايقىن كۋاسى. بۇل قۇجات بەس جاقتى ارا-بايلانىستى كەشەندى تەرەڭدەتۋگە ىرگەتاس بولادى، - دەدى قاسىم-جومارت توقايەۆ.