تۇرعىنداردىڭ ايتۋىنشا، پوليسيادان قايران بولماي تۇر.
ۇرلىق دەرەكتەرىنىڭ ءبىرى "اقبۇلاق" (مومىش ۇلى – رىسقۇلوۆ) جانە "العاباس" تۇرعىن ءۇي كەشەنىندە بولعان، دەپ حابارلايدى Almaty-akshamy.kz
«ءبىزدىڭ اۋداندا ەكىنشى رەت توناۋ بولدى. الاتاۋ اۋدانى. كولەم ولشەگىشىن، اككۋمۋلياتوردى شەشىپ العان، مىنا جەردە كومپيۋتەر بولعان. ءبارىن الىپ كەتتى. جۇرگىزۋشى ءبىرىنشى رەت ۇرلانعاندا، ونى ساتىپ الىپ قايتا سالعان، ەندى ءبىر اپتادا ەكىنشى رەت توناپ كەتتى. كولەم ولشەگىشتەر – «مەرسەدەستەن» شەشىپ الۋعا بولاتىن ەڭ قىمبات بولشەك. بۇل ءبىزدىڭ اۋداندا ءبىرىنشى رەت ەمەس. ءقازىردىڭ وزىندە 4-5-جاعداي. پوليسەيلەر ءبىر اپتادا ەكىنشى رەت كەلدى. ەشتەڭە ىستەمەيدى، ارەكەت ەتپەيدى»، - دەيدى تونالعان Mercedesء-تى ۆيدەوعا تۇسىرگەن ەر ادام.
الماتى قالاسى الاتاۋ اۋداندىق پوليسيا باسقارماسى مالىمەتىنشە، بۇل دەرەك ق ر قىلمىستىق كودەكسىنىڭ 188-بابى بويىنشا سوتالدى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەن.
«وسىدان 3-4 كۇن بۇرىن الاتاۋ اۋدانىندا Mercedes كولىكتەرىنەن كولەم ولشەگىشتەرىن ۇرلاۋمەن اينالىسقان قىلمىستىق توپ اشكەرەلەندى. قازىرگى ۋاقىتتا كۇدىكتىلەردىڭ وسىعان ۇقساس ءۇش ەپيزودقا قاتىستىلىعى دالەلدەندى. سونىمەن قاتار، بوتەننىڭ مۇلكىن ۇرلاۋمەن اينالىساتىن وزگە دە ادامداردى انىقتاۋعا باعىتتالعان جەدەل ءىس-شارالار كەشەنى جۇرگىزىلىپ جاتىر. ارنايى جەدەل تەرگەۋ توبى قۇرىلدى»، - دەدى الماتى پوليسياسىنىڭ باسپا ءسوز قىزمەتى وكىلدەرى.