2022 جىلدىڭ 22 جەلتوقسانىندا اباي اتىنداعى قازۇپۋ-دا «پەداگوگيكالىق سىنىپ» جوباسىنىڭ جارتىجىلدىق ەسەبى بويىنشا پەداگوگيكالىق سىنىپ وقۋشىلارىمەن كەزدەسۋ ءوتتى، دەپ حابارلايدى اlmaty-akshamy.kz.
ءىس-شاراعا جوبا يدەياسىنىڭ اۆتورى، رەكتور دارحان ءبىلالوۆ، الەۋمەتتىك دامۋ جونىندەگى پرورەكتور شىڭعىس نۇرلانوۆ، اكادەميالىق ماسەلەلەر دەپارتامەنتىنىڭ ديرەكتورى حايرۋللا جانبەكوۆ، №81 مەكتەپ-گيمنازياسىنىڭ ديرەكتورى نۇرعالي تۇرىمبەتوۆ جانە رەسپۋبليكالىق مامانداندىرىلعان مەكتەپ-ينتەرناتىنىڭ ديرەكتورى ەرجان ءومىرحانوۆ، جوبا جەتەكشىسى، پروفەسسور باۋىرجان سايداحمەتوۆ، ش.سماعۇلوۆ اتىنداعى مامانداندىرىلعان فيزيكا-ماتەماتيكا ليسەي-ينتەرناتىنىڭ جانە ي.ق.ماندوكي اتىنداعى №154 جالپى ءبىلىم بەرەتىن مەكتەپ وكىلدەرى (50 وقۋشى) قاتىستى.
دارحان ءبىلالوۆ بولاشاق ۇستازداردى قۇتتىقتاپ، ەلىمىزدەگى تۇڭعىش وقۋ ورنىنىڭ جەتىستىكتەرىمەن ءبولىستى. رەكتور 95 جىلعا جۋىق تەرەڭ تاريحى بار ۋنيۆەرسيتەت حالىقارالىق جانە وتاندىق رەيتينگتەردە پەداگوگيكا سالاسىندا كوشباسشى بولىپ تابىلاتىنىن، جوعارى وقۋ ورنى قابىرعاسىندا احمەت بايتۇرسىنوۆ، ساكەن سەيفۋللين، حالەل دوسمۇحامەدوۆ، ءىلياس قابىلوۆ، بايمەن المانوۆ، تەمىربەك جۇرگەنوۆ سياقتى ۇلى تۇلعالار ساباق بەرگەنىن اتاپ ءوتتى. تۇڭعىش ۋنيۆەرسيتەت قازاقستاندا العاشقىلاردىڭ ءبىرى بولىپ ءبىلىم بەرۋ سالاسىندا جاڭا تەحنولوگيالاردى ەنگىزۋ ارقىلى زاماناۋي پەداگوگيكالىق كادرلاردى قالىپتاستىرۋ، ونىڭ ىشىندە مەكتەپپەن بايلانىستى نىعايتۋ، تيۋتورلاردى دايارلاۋ، سيفرلىق ەرىكتىلەر مەن Honors College قۇرۋ، پەدكلاسستار اشۋ بويىنشا قىزىقتى جانە پايدالى جوبالاردى ىسكە قوستى.
ءىس-شارا بارىسىندا 4 مەكتەپتىڭ پەداگوگيكالىق سىنىپ وقۋشىلارى ءوز جوبالارىن ۇسىنىپ، پەداگوگ تۇجىرىمداماسىن تالقىلادى، پەداگوگيكالىق سىنىپ تۋرالى ءوز اسەرلەرىمەن ءبولىستى، پەداگوگ ماماندىعى تۋرالى ءوز پىكىرلەرىن ءبىلدىردى. التى اي ىشىندە العان داعدىلارىن قولدانا وتىرىپ، ولار يكيگاي، رەفلەكسيا، كەرى بايلانىس جانە پەداگوگ ءستيلى تۋرالى تۇسىنىكتەردى تالداپ، زاماناۋي ءمۇعالىمنىڭ جاڭا تەندەنسيالارداعى كەلبەتىن انىقتاپ، ونى ءوز بويىندا سەزىندى. بولاشاق پەداگوگتار ۋنيۆەرسيتەت باسشىلىعىنا جانە جوبا جەتەكشىسى باۋىرجان سايداحمەتوۆكە العىستارىن ءبىلدىردى
ءتورت مەكتەپ كوماندالارىنىڭ جوبالارى بويىنشا دارحان ءبىلالوۆ، شىڭعىس نۇرلانوۆ، ەرجان ءومىرحانوۆ جانە نۇرعالي تۇرىمبەتوۆ بولاشاق مۇعالىمدەر «پەداگوگيكالىق سىنىپ» جوباسىنىڭ ۇزدىك ناتيجەسى بولىپ تابىلاتىنىن جانە ونىڭ بولاشاعىنا سەنىم بىلدىرەتىندەرىن اتاپ ءوتتى.
