ءقازىر الماتىدا جولاقى كارتامەن – 80 تەڭگە، قولما-قول – 150 تەڭگە.
الماتى اكىمدىگى «جولاۋشىلاردى تۇراقتى الەۋمەتتىك ماڭىزى بار تاسىمالداۋ تاريفتەرىن بەلگىلەۋ تۋرالى» قاۋلى دايىندادى، دەپ حابارلايدى Almaty-akshamy.kz
وسىلايشا، قۇجاتتا الماتى قالاسى بويىنشا جولاۋشىلاردى الەۋمەتتىك ماڭىزى بار تۇراقتى تاسىمالداۋ تاريفتەرىن تولەۋ ادىسىنە قاراي كەلەسى مولشەردە بەلگىلەۋ تۋرالى:
ۇيالى بايلانىس وپەراتورىنىڭ قىزمەتتەرى نەمەسە كولىك كارتاسى نەمەسە جول جۇرۋگە ارنالعان ءموبيلدى قوسىمشا ارقىلى قولما-قول اقشاسىز تولەم جاساۋ ءۇشىن – 100 تەڭگە؛
جول ءجۇرۋ اقىسىن قولما-قول تولەۋ كەزىندە – 200 تەڭگە.
قازىرگى ۋاقىتتا الماتى قالاسىندا قوعامدىق كولىكتەگى ءتاريفتىڭ قۇنى قولما-قول اقشاسىز تولەۋ تاسىلىمەن تولەنگەن كەزدە 80 تەڭگە مولشەرىندە بەلگىلەنگەن. تاريف قۇنىنىڭ مولشەرى 2012 جىلى بەلگىلەنگەن جانە بۇگىنگى كۇنگە دەيىن وزگەرىسسىز قالادى. 2017 جىلدان باستاپ قولما-قول اقشامەن تولەگەن كەزدە جول ءجۇرۋ قۇنى 150 تەڭگە مولشەرىندە بەلگىلەندى.
سوڭعى 11 جىلدا تاسىمالداۋشىلاردىڭ شىعىندارى بارلىق باپتارى بويىنشا قۇنى ايتارلىقتاي ءوستى. مىسالى، ديزەل وتىنىنىڭ قۇنى 90 تەڭگەنى قۇراعان، ال بۇگىنگى كۇنى 295 تەڭگەنى (+328%) قۇرايدى، گازدىڭ قۇنى 33 تەڭگەنى قۇراعان، ال بۇگىنگى كۇنى 108 تەڭگە (+327%) مولشەرىندە بەلگىلەنگەن. اۆتوبۋستاردىڭ قۇنىن قوسا العاندا، قالعان شىعىندار بويىنشا دا وسىنداي جاعداي ورىن الىپ تۇر.
بۇل شىعىندار تاسىمالداۋشىلاردىڭ شىعىندارىن سۋبسيديالاۋ كولەمىندە تىكەلەي كورسەتىلەدى. ماسەلەن، 2017 جىلدان باستاپ 2022 جىلعا دەيىن سۋبسيديالار كولەمى 13،8 ەسە، 6،9 ملرد. تەڭگەدەن 50 ملرد. تەڭگەگە دەيىن ءوستى. اعىمداعى جىلى سۋبسيديالاۋدىڭ بولجامدى كولەمى بەكىتىلگەن تاريفكە سايكەس شامامەن 85،5 ملرد تەڭگەنى قۇرادى.
قوعامدىق كولىكتەگى ءتاريفتىڭ قولدانىستاعى قۇنى ساقتالعان جاعدايدا سۋبسيديالاۋ مولشەرى جىلدان جىلعا ۇلعاياتىن بولادى، بۇل جەرگىلىكتى بيۋدجەتكە ۇلكەن جۇكتەمە تۇسىرەتىن بولادى.
اعىمداعى جىلى تاريفتەردى ەسەپتەۋ ادىستەمەسىنە سايكەس ءتاريفتىڭ ورتاشا قۇنى 425 تەڭگەنى قۇرايتىنىن اتاپ وتكەن ءجون.
وسىعان بايلانىستى، 2023 جىلى ءتاريفتىڭ قۇنىن قايتا قاراۋ جانە قولما-قول اقشاسىز تولەۋ كەزىندە 100 تەڭگە جانە قولما-قول تولەۋ كەزىندە 200 تەڭگە مولشەرىندە بەلگىلەۋ قاجەتتىلىگى تۋىندايدى. وسىنداي جاعدايدا سۋبسيديالاۋدىڭ بولجامدى كولەمى 2023 جىلى 10 ملرد. تەڭگەگە قىسقارادى.
اقپارات ءۇشىن: استانادا ءتاريفتىڭ قۇنى 90 تەڭگە جانە 180 تەڭگە، شقو – دا – 90 تەڭگە جانە 130 تەڭگە، جامبىل وبلىسىندا – 85 تەڭگە جانە 130 تەڭگە، قوستاناي وبلىسىندا-100 تەڭگە جانە 170 تەڭگە مولشەرىندە بەلگىلەنگەن.
قۇجات 21 شىلدەگە دەيىن قوعامدىق تالقىلاۋ ءۇشىن اشىق نقا ۆەب-سايتىندا ورنالاستىرىلعان.