مارقۇم وز-وزىنە قول جۇمساعان.
كەشە كەشكە الماتىدا "جاستار" تۇرعىن ءۇي كەشەنىندەگى كوپقاباتتى ءۇيدىڭ 11-قاباتىنان ەر ادام قۇلاپ، قايتىس بولدى، دەپ حابارلايدى Almaty-akshamy.kz
قالالىق پوليسيا دەپارتامەنتى بۇل فاكتى سوتقا دەيىنگى تەرگەۋدىڭ ءبىرىڭعاي تىزىلىمىنە قازاقستان رەسپۋبليكاسى قىلمىستىق كودەكسىنىڭ 105-بابى ("ءوزىن-وزى ولتىرۋگە يتەرمەلەۋ") بويىنشا تىركەلگەنىن مالىمدەدى.
"الدىن الا مالىمەت بويىنشا، مارقۇم (1986 جىلى تۋعان) پسيحيكالىق دەنساۋلىق ورتالىعىندا تىركەۋدە تۇرعان"، دەلىنگەن الماتى پوليسيا دەپارتامەنتىنىڭ باسپا ءسوز قىزمەتىنىڭ مالىمەتىندە.
سونداي-اق پوليسيا ءبىر ايداي بۇرىن، 8 ماۋسىمدا ول وز-وزىنە قول جۇمساماق بولعانىن ايتتى. سول جولى المالى اۋدانىنىڭ ۋچاسكەلىك ينسپەكتورلارى 11-قاباتتىڭ تەرەزەسىندە وتىرعان 37 جاستاعى الماتىلىق ازاماتتى امان الىپ قالعان. ينسپەكتورلاردىڭ ءبىرىنىڭ ايتۋىنشا، ەر ادام نەگە سەكىرمەككە ارەكەتتەنگەنىن ءتۇسىندىرىپ بەرە الماعان.