ءوز ۇسىنىسىن ول الەۋمەتتىك جەلىلەردە جاريالادى.
الماتى اكىمدىگى «الماتى – ادامدار ءۇشىن جاھاندىق قالا» باعدارلاماسىن ازىرلەدى، وندا مەگاپوليستى 2025 جىلعا دەيىن دامىتۋدىڭ نەگىزگى باسىمدىقتارى مەن 2030 جىلعا دەيىنگى ورتا مەرزىمدى پەرسپەكتيۆالار كورسەتىلگەن. قالا تۇرعىندارى باعدارلامامەن تانىسىپ، ءوز ۇسىنىستارىن «الماتىنى دامىتۋ ورتالىعىنىڭ» سايتىندا 2022 جىلدىڭ 1 شىلدەسىنە دەيىن قالدىرا الادى. بۇل تۋرالى الماتى قالاسى قوعامدىق كەڭەس مۇشەسى بەكبول رامازان پىكىرىن ءبىلدىردى، دەپ حابارلايدى Almaty-akshamy.kz.
«الماتى قالاسىنىڭ تۇرعىندارى! وزدەرىڭىزگە بەلگىلى اعىمداعى جىلدىڭ 27 ماۋسىمىندا قالا اكىمى ەربولات دوسايەۆ الماتى قالاسىنىڭ 2025 جانە 2030-شى جىلدارعا دەيىنگى ورتا مەرزىمدى دامۋ جوسپارلارىنىڭ جوباسىن، قالا جۇرتشىلىعىنا تالقىلاۋعا ۇسىنعان بولاتىن. 46 بەتتەن تۇراتىن قالامىزدىڭ دامۋىنا باعىتتالعان پرەزەنتاسيانى تولىقتاي وقىپ، تانىسىپ شىقتىم. سونىمەن قاتار سىزدەردىڭ دە نازارلارىڭىزعا ۇسىنباقپىن. مىندەتتى تۇردە وقىپ شىعىڭىزدار. ايتار پىكىرلەرىڭىز، الىپ-قوسار ۇسىنىستارىڭىز بولسا، پىكىر قالدىرىپ كەتىڭىز نەمەسە جەكەمە جازساڭىزدار بولادى. سىزدەردىڭ تاراپتارىڭىزدان تۇسكەن جۇيەلى، پايدالى ۇسىنىستارىڭىزدى ءبىز، الماتى قالالىق قوعامدىق كەڭەس مۇشەلەرى، ءوز جيىندارىمىزدا تالقىعا الىپ، ءارى قاراي دوڭگەلەتۋگە دايىن ەكەندىگىمىزدى ايتقىم كەلەدى. وڭتۇستىك استانامىزعا اينالعان الماتى شاھارىن بىرگە دامىتايىق! شارشامايىق!» - دەپ جازدى اۆتور.
پوسموترەت ەتۋ پۋبليكاسيۋ ۆ Instagram