بۇل باعدارلاماعا 3،2 ملرد تەڭگەدەن استام قارجى قاراستىرىلعان.
«اڭساعان ءسابي» باعدارلاماسى اياسىندا 2022 جىلى 3152 كۆوتا ءبولىندى. بۇل تۋرالى «الەۋمەتتىك مەديسينالىق ساقتاندىرۋ قورى» كەاق الماتى فيليالى ديرەكتورى تىلەۋحان ابىلدايەۆ بريفينگ بارىسىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، ءمامس اياسىندا حالىققا قولجەتىمدى بولعان قىزمەتتىڭ ءبىرى – ەكستراكورپورالدى ۇرىقتاندىرۋ نەمەسە ەكو پروسەدۋراسى.
«2022 جىلى ەكو باعدارلامالارىنا 3،2 ملرد تەڭگەدەن استام قارجى قاراستىرىلعان. اتالعان سوماعا بارلىعى 3152 جاساندى ۇرىقتاندىرۋ پروسەدۋراسى جاسالۋى ءتيىس. وتكەن 4 ايدا 476 ەكو جاسالىپ، وعان 484 ملن تەڭگە تولەندى. بيىل وڭتۇستىك استانا بويىنشا اتالعان باعدارلاماعا 8 كلينيكا قاتىسىپ جاتىر»،- دەدى فيليال ديرەكتورى.
ەكو-عا جىبەرۋ تۋرالى شەشىمدى الماتى قالاسى قوعامدىق دەنساۋلىق ساقتاۋ باسقارماسى جانىنان قۇرىلعان ارنايى كوميسسيا قابىلدايدى. ەكو-نى ايەلدىڭ ءوزى تاڭدايدى.
وسى باعدارلاما اياسىندا پاسيەنت جىلىنا ءبىر رەت ەكو جاساي الادى.
بۇگىندە ەلىمىزدە 26 ەكو ورتالىق جۇمىس ىستەيدى. ونىڭ 21ء-ى جەكەمەنشىك.
ەسكە سالساق، مەملەكەت باسشىسى قاسىم - جومارت توقايەۆتىڭ تاپسىرماسى بويىنشا 2021 جىلى ەلىمىزدە «اڭساعان ءسابي» باعدارلاماسى جۇزەگە استى.