الماتى قالاسىنىڭ اكىمى باقىتجان ساعىنتايەۆ 25 ماۋسىم كۇنى ورتالىق كوممۋنيكاسيالار قىزمەتى الاڭىندا باسپا ءسوز ءماسليحاتىنا قاتىسىپ، ب ا ق وكىلدەرىنىڭ سان ءتۇرلى سۇراقتارىنا جاۋاپ بەرىپ، قالامىزدىڭ دامۋى مەن ەكونوميكا، ەكولوگيا، بيزنەس، ءوقۋ-بىلىم، مەديسينا سالاسىنداعى وزەكتى ماسەلەلەر مەن اتقارىلعان ىستەرگە توقتالدى، بولاشاق جوسپارلارمەن ءبولىستى.
مەگاپوليس باسشىسىنىڭ اتقارىلعان ىستەر جونىندەگى ءسوزىن تىڭداعان قالا تۇرعىندارى بۇگىن ءوز ويلارىن ورتاعا سالدى، دەپ حابارلايدى Almaty-akshamy.kz.
«قالا باسشىسىنىڭ جاساعان سوڭعى مالىمدەمەسىنە سۇيەنسەك، قالالىقتاردىڭ الەۋمەتتىك-ەكونوميكالىق جاعدايىن باستى نازارعا الۋى حالىققا ودان ءارى سەنىمدىلىك بەرىپ، جىگەرلەندىرە ءتۇستى. قالا اكىمى باقىتجان ساعىنتايەۆتىڭ ءاردايىم حالىق ۇنىنە قۇلاق اسىپ، ۇنەمى ءوزى بارىپ اۋدانداردى ارالاپ، تۇرعىنداردىڭ تالاپ-تىلەگىن جەردە قالدىرمايتىنى قۋانتادى. اپتا سايىن ءار سالا بويىنشا توقتالىپ، قولعا الىنىپ جاتقان شارالارمەن ءبولىسىپ، قالا تۇرعىندارىنىڭ ساۋالىنا جاۋاپ بەرىپ جۇرگەنىن ءبارىمىز كورىپ ءجۇرمىز.
پاندەميالىق احۋالعا قاراماستان، الماتىنىڭ كۇن ساناپ دامىپ كەلە جاتقانى – ۇلكەن جەتىستىك. مىسالى، كۇنى كەشە قالانىڭ بەل ورتاسىندا اشىلعان الەۋمەتتىك ءۇي تۇرعىندار ماسەلەسىن شەشۋگە ارنالعان وتە ءتيىمدى ورتالىق بولعالى تۇر. اسىرەسە، ەگدە جاستاعى ادامدار ءۇشىن قۋانىش. ويتكەنى، الەۋمەتتىك ۇيدە 700-گە جۋىق قىزمەت كورسەتىلەدى. زەينەتاقى، كوممۋنالدىق تولەم، حقكو-نىڭ جۇمىستارىنا قاتىستى بارلىق شارۋانى ءبىر جەردەن شەشىپ كەتە الادى. وسىدان-اق شاھار باسشىلىعىنىڭ حالىقتىڭ جاعدايىن جاقسارتۋعا بارىنشا كوڭىل ءبولىپ جاتقانىن كورۋگە بولادى»، - دەيدى قالامىزدىڭ قۇرمەتتى ارداگەرى.