الماتى قالاسىندا 2022 جىلعى 7 اقپانداعى قار تازالاۋ بويىنشا اقپارات
الماتى قالاسىندا7 اقپان كۇنى ساعات 02.00-دەن باستاپ قار جاۋا باستادى. قالادا 8-10 سم، تاۋ بوكتەرى مەن تاۋلى اۋدانداردا 15-20 سم قار جاۋدى، دەپ حابارلايدى Almaty-akshamy.kz الماتى قالاسىنىڭ تۇرعىن ءۇي ساياساتى باسقارماسىنا سىلتەمە جاساپ.
كوكتايعاق قۇبىلىستارىنىڭ الدىن الۋ ماقساتىندا قار جاۋعان ساتتەن باستاپ جولدارعا كوكتايعاققا قارسى 2120 توننا ماتەريالدار سەبىلدى.
جول توسەمىنەن قاردى كۇرەۋ، تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، جالپى پايدالانۋ ورىندارىن تازارتۋ بويىنشا جۇمىستار جۇرگىزىلۋدە.
تاۋلى جانە تاۋ بوكتەرىندەگى جەرلەردەن قار شىعارۋ ۇيىمداستىرىلعان. ساعات 17.00-دەگى جاعداي بويىنشا 2720 تەكشە مەتر قار سىرتقا شىعارىلدى.
قار تازالاۋ جۇمىستارىنا 611 بىرلىك ارنايى تەحنيكا، 205 قۇمشاشقىش جانە 1665 جول جۇمىسشىسى جۇمىلدىرىلدى.
اۋداندىق اكىمدىكتەر مەن مەردىگەر ۇيىمداردا قار تازالاۋ جۇمىستارىنىڭ بارىسىن باقىلاۋ ءۇشىن تاۋلىك بويىنا كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا، قار ارالاس جاۋىن-شاشىن ۇزىلىسپەن كۇتىلۋدە جانە كۇننىڭ ەكىنشى جارتىسىندا اياقتالادى. اۋا تەمپەراتۋراسى بۇگىن كۇندىز 0، +2 گرادۋس، تۇمان، كوكتايعاق.