الماتى قالاسىندا 6 قازاندا ساعات 2.10-نان باستاپ قار ارالاس جاڭبىر جاۋا باستادى. بۇل ۇزىلىسپەن 7 قازانعا دەيىن جالعاسادى دەپ بولجانۋدا. تاڭەرتەڭگى ساعات 6-دا تاۋلى جانە تاۋ بوكتەرىندەگى اۋدانداردا 3 سم قار جاۋدى، قالادا توپىراقتىڭ جىلى بولۋىنان قار ەرۋدە.
كوكتايعاقتىڭ الدىن الۋ ماقساتىندا تاۋلى جانە تاۋ بوكتەرىندەگى جەرلەردە ورنالاسقان جولدارعا كوكتايعاققا قارسى ماتەريالدار سەبىلەدى، سونداي-اق بيىك تاۋ جولدارىنان (شىمبۇلاق) قار سىپىرىلادى.
285 بىرلىك ارنايى تەحنيكانىڭ، ونىڭ ىشىندە 97 قۇم شاشاتىن كولىكتىڭ، جانە 164 جول جۇمىسشىسىنىڭ تۇنگى كەزەكشىلىگى ۇيىمداستىرىلدى.
اۋداندىق اكىمدىكتەردە قار تازالاۋ جۇمىستارىنىڭ بارىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
الماتى قالاسىنىڭ تۇرعىن ءۇي ساياساتى باسقارماسى