الماتىداعى ءدارىحانالاردا ەسىرتكى زاتتارىن ساتۋدىڭ ەكى فاكتىسى انىقتالدى، دەپ حابارلايدى Almaty-akshamy.kz
الماتى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى ەرلان الماعامبەتوۆتىڭ ايتۋىنشا، قالاداعى كەيبىر ءدارىحانالاردا قۇرامىندا ەسىرتكى بار پرەپاراتتار كەدەرگىسىز ساتىلادى.
«اينابۇلاق شاعىناۋدانىنداعى بولىمشەنىڭ ەكى قىزمەتكەرى جەتىسۋ اۋداندىق ءپىب ارىپتەستەرىمەن بىرگە 28 جاستاعى ازاماتتى ۇستادى. ۇستالۋشىنىڭ ايتۋىنشا، ول پرەپاراتتى اۋدانداعى ءدارىحانالاردىڭ بىرىنەن ساتىپ العان. «ءدارىحانالىق ەسىرتكىنىڭ» تاعى ءبىر اۋەسقويى قالانىڭ الاتاۋ اۋدانىندا ۇستالدى. 20 جاستاعى ازامات تامشى پرەپاراتىن رەسەپتىسىز ساتىپ العان»، - دەدى ەرلان الماعامبەتوۆ.