كۇردەلى ىرىكتەۋدەن وتكەن جاس پوليسەيلەر قىزمەتتىك كۋالىكتەرىن الدى
جاڭادان كىرگەندەردىڭ پاتريوتتىق رۋحىن ارتتىرۋ ماقساتىندا ارنايى ءىس-شارا ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ قاتارىمىزعا قۇقىق قورعاۋ ورگاندارىنىڭ جاڭا بۋىنى قوسىلدى. جاس قىزمەتكەرلەر اعا ارىپتەستەرىنىڭ ءداستۇرىن لايىقتى جالعاستىرىپ، كاسىبي سىناقتاردان ابىرويمەن وتەتىنىنە سەنگىم كەلەدى. پوليسيادا قىزمەت ەتۋ وڭاي ەمەس، توزىمدىلىكتى، ادالدىقتى، ادىلدىكتى، ادامداردى قۇرمەتتەۋدى تالاپ ەتەدى. سىزدەر ازاماتتارىمىزدىڭ كونستيتۋسيالىق قۇقىقتارىن قورعاۋشىلاردىڭ الدىڭعى قاتارىندا بولۋلارىڭىز كەرەك. ءارقايسىڭىز ءوز ءىسىڭىزدىڭ ناعىز كاسىبي مامانى بولۋعا كۇش سالىپ، زاڭ بۇزعان ادامداردى جازالاۋ قاعيداتىن قامتاماسىز ەتۋلەرىڭىز كەرەك»، – دەدى الماتى قالالىق روليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
جاس پوليسەيلەر كۇردەلى ىرىكتەۋدەن ءوتتى. كوپشىلدىك، ادەپتىلىك، توزىمدىلىك، زاڭدى جاقسى ءبىلۋ، دەنە شىنىقتىرۋ دايىندىعى – وسى قاسيەتتەردىڭ بارلىعى جاس وفيسەرلەردىڭ بويىندا بار. تالىمگەرلەر جەكە قۇرامدى قۇتتىقتاپ، قىزمەتكە جاڭادان كەلگەندەردىڭ ابىرويمەن قىزمەت ەتەتىنىنە، بۇرىنعىلاردىڭ جاۋىنگەرلىك ەرلىكتەرى مەن داڭقتى داستۇرلەرىن جالعاستىرىپ، پوليسيا قىزمەتىنىڭ بەدەلىن ارتتىراتىنىنا سەنىم ءبىلدىردى.