اقىلى جول بويىندا سىنىپ قالعان كولىكتى ەۆاكۋاتور باراتىن جەرىنە دەيىن تەگىن جەتكىزىپ بەرەدى.
بۇل تۋرالى «قازاۆتوجول» ۇلتتىق كومپانياسىنىڭ اقىلى جولدار ديرەكسياسى ديرەكتورىنىڭ ورىنباسارى ساكەن ادىلبەكوۆ ب ا ق وكىلدەرىنە ارنالعان باسپا ءسوز تۋرى بارىسىندا ءمالىم ەتتى، دەپ حابارلايدى Almaty-akshamy.kz
«ەگەر ءسىزدىڭ كولىگىڭىز اقىلى جول بويىندا سىنىپ قالعان جاعدايدا، ءبىز ونى بارا جاتقان جەرىڭىزگە تەگىن جەتكىزىپ بەرەتىن بولامىز. ياعني اقىسىز ەۆاكۋاسيالايمىز. بۇل ماسەلە ءقازىر قارالىپ جاتىر. اتالعان شارا جوسپار بويىنشا بيىل ىسكە قوسىلماق. قوسىمشا حابار بەرىلەدى. نەگىزى جولدا بۇزىلىپ قالعان نەمەسە جول-كولىك وقيعاسىنا تاپ بولعان كولىكتەردى ەۆاكۋاسيالاۋ بۇعان دەيىن دە بار قىزمەت. وقىس وقيعا بولعان جاعدايدا ءبىزدىڭ ماماندار ۇنەمى قول ۇشىن سوزادى»، - دەدى ساكەن ادىلبەكوۆ تىلشىلەردىڭ ساۋالىنا جاۋاپ بەرە تۇرىپ.