14-29 جاس ارالىعىنداعى ازاماتتاردىڭ جالپى سانىنان NEET ۇلەسى 6،3% (440 مىڭنىڭ 27،7 مىڭى) قۇرايدى.
الماتىدا بىلىممەن، جۇمىسپەن نەمەسە بىلىكتىلىكتى ارتتىرۋمەن قامتىلماعان جاستاردىڭ ۇلەسى (اعىلش. NEET-not in Education، Employment or Training)، 2025 جىلعا قاراي قازىرگى 6،3%-دان 4،5%-عا دەيىن جانە 2030 جىلعا قاراي 3%-عا دەيىن قىسقارتۋ جوسپارلانىپ وتىر، دەپ حابارلايدى Almaty-akshamy.kz
«الماتى قالاسىن دامىتۋدىڭ 2025 جىلعا دەيىنگى باعدارلاماسىندا جانە 2030 جىلعا دەيىنگى ورتا مەرزىمدى پەرسپەكتيۆالارىندا» جاستاردىڭ ءوزىن-وزى دامىتۋى مەن دامۋى ءۇشىن تەڭ مۇمكىندىكتەر جاساۋعا باعىتتالعان شارالار كەشەنىنىڭ كۇتىلەتىن ناتيجەلەرى وسىنداي بولۋى ءتيىس ەكەنى قاراستىرىلعان.
رەسمي ستاتيستيكا بويىنشا، الماتىدا 14-29 جاس ارالىعىنداعى ازاماتتاردىڭ جالپى سانىنان NEET ۇلەسى 6،3% (440 مىڭنىڭ 27،7 مىڭى) قۇرايدى. جىل سايىن قالا تۇرعىندارىنىڭ بۇل ساناتى جوعارى وقۋ ورىندارىن، ونىڭ ىشىندە باسقا قالالاردان كەلگەن تۇلەكتەر ەسەبىنەن تولىقتىرىلادى، ويتكەنى تۇلەكتەردىڭ جالپى سانىنان شامامەن 12 مىڭ ادام وقۋ بىتىرگەننەن كەيىن ءبىر جىل ىشىندە جۇمىس تابا المايدى.
وقۋ ورىندارىنىڭ تۇلەكتەرىن الەۋمەتتىك بەيىمدەۋ جانە جۇمىسقا ورنالاستىرۋدىڭ ءتيىمدى پروسەسى ءۇشىن جاستار ساياساتىن دامىتۋدىڭ مەملەكەتتىك قورى بازاسىندا 2022 جىلى جوعارى وقۋ ورىندارىنىڭ، جۇمىس بەرۋشىلەر مەن مەملەكەتتىك ورگانداردىڭ مانساپ ورتالىقتارىنىڭ ءوزارا ءىس-قيمىل جۇيەسىن ەنگىزە وتىرىپ، قالالىق مانساپ ورتالىعى قۇرىلاتىن بولادى.
بۇدان وزگە، 2022 جىلدان باستاپ جىل سايىنعى نەگىزدە جوعارى وقۋ ورىندارى مەن كوللەدجدەرگە ءتۇسۋ ءۇشىن، ونىڭ ىشىندە جوعارى وقۋ ورنىنان كەيىنگى ءبىلىم الۋعا، سونداي-اق كاسىپكەرلىك داعدىلارعا وقىتۋ ءۇشىن جاستاردى كاسىپتىك باعدارلاۋ ۇيىمداستىرىلاتىن بولادى. سونداي-اق، "جاڭا كاسىپتەر اتلاسىنا" سايكەس كوللەدجدەردىڭ ءبىلىم بەرۋ باعدارلامالارىن ترانسفورماسيالاۋ، جالپى قالالىق بوس جۇمىس ورىندارى جارمەڭكەلەرىن وتكىزۋ، سونداي-اق جوعارى وقۋ ورىندارى مەن كوللەدجدەر تۇلەكتەرىنىڭ ءبىر بولىگىن وقۋدى بىتىرگەننەن كەيىنگى ءبىرىنشى جىلى جۇمىسقا ورنالاستىرۋدى مەملەكەتتىڭ سۋبسيديالاۋ جوسپاردا بار.
ءبىلىمى جوق NEET ساناتىنداعى جاستاردى جۇمىسقا ورنالاستىرۋ ءۇشىن 2023 جىلدان باستاپ ەڭبەك نارىعىندا سۇرانىسقا يە وزەكتى ماماندىقتار بويىنشا، ەڭ الدىمەن ەكونوميكانىڭ سەرۆيستىك، IT-سەكتورلارى ءۇشىن، سونداي-اق قۇرىلىس سالاسى ءۇشىن جۇمىس كاسىپتەرى بويىنشا وقىتۋ باعدارلاماسىن ىسكە قوسۋ جوسپارلانۋدا، ول جىلىنا 10 مىڭ جاستى قامتيدى.
جاستار اراسىندا ناشاقورلىقتىڭ الدىن الۋ ماقساتىندا قالانىڭ 8 اۋدانىندا 2022 جىلدىڭ ەكىنشى جارتىسىنان باستاپ «ناركوЅتور» ورتالىقتارى قۇرىلىپ، وعان جاستارمەن جۇمىس ىستەۋ ءۇشىن كاسىبي كادرلار تارتىلاتىن بولادى.
بۇدان باسقا، جاستار اراسىندا سالاۋاتتى دەمالىستى ۇيىمداستىرۋعا جانە ءسوس قۇندىلىقتارىن ىلگەرىلەتۋگە، سونداي-اق ستۋدەنتتەردى جاتاقحانالارداعى ورىندارمەن قامتاماسىز ەتۋگە ءبىرقاتار شارالار باعىتتالاتىن بولادى.
اعىمداعى بيۋدجەت پەن ينفلياسيانى ەسكەرە وتىرىپ، جاستاردى قولداۋدىڭ قولدانىستاعى شارالارىنا 2025 جىلعا دەيىن كۇتىلەتىن قوسىمشا شىعىندار جەرگىلىكتى بيۋدجەتتەن 18،3 ملرد تەڭگەگە باعالانادى. 2026 جىلدان 2030 جىلعا دەيىنگى كەزەڭدە كۇتىلەتىن قوسىمشا شىعىندار – 32 ملرد تەڭگە.