سەرۆيستى جاقسارتۋ ماڭىزدى باسىمدىقتاردىڭ ءبىرى بولادى.
الماتىنى دامىتۋ باعدارلاماسىن ىسكە اسىرۋدا 2030 جىلعا قاراي قالانىڭ مادەني ينفراقۇرىلىمىن تولىق جاڭارتۋ، سونداي-اق قالانىڭ بارلىق اۋداندارىندا تەڭدەستىرىلگەن مادەنيەتتى دامىتۋ قاراستىرىلعان، دەپ حابارلادى Almaty-akshamy.kz.
"الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار" قۇجاتىنا سايكەس، قولدانىستاعى مادەني ينفراقۇرىلىمدى جاڭارتۋ بىرنەشە كەزەڭدە جۇرگىزىلەدى: 2025 جىلعا دەيىن – 60%-عا، 2030 جىلعا دەيىن-95-100%-عا.
بۇدان باسقا، قالادا Almaty Museum of Arts زاماناۋي ونەر مۇراجايى، 11 مىڭ ورىندىق مۋلتيفۋنكسيونالدى كونسەرت-حولل، "بورالداي ساق قورعاندارى" ارحەولوگيالىق پاركى بازاسىنداعى ساق مادەنيەتى ورتالىعى جانە ت.ب. سياقتى حالىقارالىق دەڭگەيدەگى جاڭا زاكىرلىك وبەكتىلەر پايدا بولادى.
زاماناۋي ينفراقۇرىلىمنىڭ پايدا بولۋى قالاعا حالىقارالىق ءىس-شارالار سانى مەن اۋديتوريانى قامتۋ بويىنشا ورتالىق ازيادا كوشباسشى بولۋعا مۇمكىندىك بەرەدى. The Spirit of Tengri، "الماfest"، "ۇلى دالا"، Film Festival سياقتى تۇراقتى يۆەنتتەردىڭ سانى 20-عا جەتەدى دەپ جوسپارلانۋدا.
سەرۆيستى جاقسارتۋ ماڭىزدى باسىمدىقتاردىڭ ءبىرى بولادى. بارلىق قالالىق مادەني ينستيتۋتتار ەرەكشە قاجەتتىلىكتەرى بار ادامدار ءۇشىن بەيىمدەلەدى، قىزمەت كورسەتۋدى سيفرلاندىرۋ جانە اۆتوماتتاندىرۋ جۇرگىزىلەتىن بولادى. ءىس-شاراعا بيلەت ساتىپ الۋ جەڭىلدەيدى، ال پايدالانۋشىلاردا ءبىرىڭعاي مادەني سيتي-پاس جۇيەسىن ەنگىزۋ ارقاسىندا بونۋستار پايدا بولادى.
باعدارلاماعا سايكەس، قالادا حالىقپەن ءوزارا ءىس-قيمىلدىڭ جاڭا مودەلىن قالىپتاستىرۋ جانە قالا تۇرعىندارىنىڭ وزەكتى قاجەتتىلىكتەرى تۋرالى اقپارات جيناۋ ءۇشىن كوممۋنيكاسيا ارنالارىن جولعا قويۋ جوسپارلانۋدا. مۇنداي شارالار قالالىق مادەني باعدارلامانى ءارتاراپتاندىرۋ، ونى حالىقتىڭ بارلىق توپتارى ءۇشىن قولجەتىمدى جانە تارتىمدى ەتۋ ءۇشىن قابىلدانادى. شاعىن گرانتتار باعدارلاماسى ەسەبىنەن مادەني باستامالاردى ىنتالاندىرۋدىڭ ناقتى تەتىكتەرى پايدا بولادى. قالا تۇرعىندارى ۇسىنىستار بەرىپ قانا قويماي، قالانىڭ مادەني ءومىرىن قالىپتاستىرۋعا دا قاتىسا الادى.
باعدارلاما قالا اۋداندارى بويىنشا مادەني كەڭىستىكتى تەڭگەرىمدى ءبولۋدى قاراستىرادى. اۋقىمدى، جالپىقالالىق سيپاتتاعى عانا ەمەس، سونداي-اق ميكرو دەڭگەيدە كۇندەلىكتى پايدالانۋعا باعدارلانعان جاڭا تارتىلىس نۇكتەلەرى پايدا بولادى.