وتكەن جىلى 92 ۇيگە اقىسىز گاز جەتكىزىلدى
قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى ەۆگەنيي پاك الماتىدا الەۋمەتتىك جاعدايى تومەن 100 وتباسىعا تەگىن گاز بەرىلەتىنىن ايتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
الماتى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسىنىڭ ايتۋىنشا، حالىقتىڭ الەۋمەتتىك وسال توبىنىڭ تۇرعىن ءۇيىن گازداندىرۋ جۇمىستارى وتكەن جىلى دا جۇرگىزىلدى.
«بىلتىر 92 ۇيگە گاز اقىسىز جەتكىزىلدى. بيىل 100 الەۋمەتتىك جاعىنان وسال وتباسىلاردىڭ ءۇيىن گازعا تەگىن قوسۋ جوسپارلانىپ وتىر»، - دەدى ەۆگەنيي پاك.
بۇعان دەيىن سپيكەر الماتى قالاسى جىلىتۋ ماۋسىمىنا 100 پايىز دايىن ەكەنىن ايتقان بولاتىن.