قازاقستاندا مۇگەدەك بالالارعا شيپاجايعا تەگىن جولداما بەرىلمەك
ۇكىمەت مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋعا باعىتتالعان تاعى ءبىر زاڭ جوباسىن قاراستىرىپ جاتىر. بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەرلان اۋكەنوۆ ايتتى، دەپ حابارلايدى almaty-akshamy.kz
«ءقازىر ۇكىمەت قاراۋىندا مۇگەدەكتىگى بار ادامداردىڭ ءومىر ساپاسىن جاقسارتۋعا باعىتتالعان زاڭ جوباسى جاتىر. ونى پارلامەنت سەناتى ق ر ۇكىمەتى جانىنداعى ۇيلەستىرۋ كەڭەسىمەن جانە مۇگەدەكتىگى بار ادامداردىڭ ءومىر ساپاسىن جاقسارتۋ جونىندەگى جۇمىس توبىمەن بىرلەسە وتىرىپ ازىرلەدى. وندا 342 پوزيسيا بويىنشا 38 تۇجىرىمدامالىق تۇزەتۋمەن 82 زاڭنامالىق اكتىگە ۇسىنىستار ازىرلەندى»، - دەدى ۆيسە-مينيستر ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، زاڭ جوباسىندا كەمسىتۋشىلىك تەرميندەردى الىپ تاستاۋ كوزدەلگەن. اتاپ ايتقاندا، «مۇگەدەك» تەرمينى «مۇگەدەكتىگى بار تۇلعا» تەرمينىمەن الماستىرىلادى. سونىمەن قاتار مۇگەدەكتىگى بار بالا تاربيەلەپ وتىرعان وتباسىعا «مۇگەدەكتىگى بار بالا تاربيەلەپ وتىرعان وتباسى» مارتەبەسى بەرىلەدى.
«بۇگىندە مۇنداي مارتەبە جوق. مۇگەدەكتىگى بار بالانىڭ اتا-اناسىنىڭ بىرىنە نەمەسە قامقورشىسىنا شيپاجايلىق-كۋرورتتىق ەمدەلۋگە تەگىن جولداما ۇسىنىلاتىن بولادى. بۇگىندە مۇنداي ءىس-شارادا زاڭنامالىق تۇرعىدا بەكىتىلگەن. سونىمەن قاتار سىرتتاي كۋالاندىرۋدى ەنگىزۋدى بەكىتۋ، مۇگەدەكتىگى بار تۇلعانى جۇمىسقا ورنالاستىرۋ كۆوتاسىن ورىنداماعان جۇمىس بەرۋشىنىڭ مىندەتتى وتەماقى تولەۋ تەتىكتەرىن ەنگىزۋ كوزدەلۋدە. بۇل زاڭنامادا شىنىمەن دە وتە كوپ قوسىمشا بار جانە تاياۋ ۋاقىتتا ۇلكەن قوعامدىق تىڭداۋدا، پارلامەنتتە اتالعان زاڭدى تانىستىراتىن بولامىز»، - دەدى ەرلان اۋكەنوۆ.