بىرنەشە رەت ءىستى بولعان الماتى تۇرعىنى كولىك ۇرلاپ كەتتى

كولىك ۇرلاعان ادام بۇعان دەيىن دە وسىعان ۇقساس قىلمىستارمەن اينالىسقان

بىرنەشە رەت سوتتالعان الماتى قالاسىنىڭ تۇرعىنى بىرەۋدىڭ كولىگىن ايداپ كەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.

ۇرى قالانىڭ اۋەزوۆ اۋدانىندا ۇستالدى. پوليسيانىڭ مالىمەتىنشە، جەرگىلىكتى تۇرعىن پوليسيا باسقارماسىنا جۇگىنگەن، ول 8 قىركۇيەكتە سكانەر كومەگىمەن اۆتوكولىكتىڭ دابىلىن اشىپ، ءوزىنىڭ «تويوتا لەند كرۋزەر پرادو» كولىگىن ۇرلاعان بەلگىسىز ادامدارعا شارا قولدانۋدى سۇرادى. كەلتىرىلگەن شىعىن كولەمى انىقتالۋدا.

«بۇل فاكت ق ر قك-نىڭ 188-بابى 4-بولىگى 3-تارماعىنا سايكەس كوزدەلگەن قىلمىس بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. قاجەتتى تەرگەۋ-جەدەل ءىس-شارالارى بارىسىندا قىلمىستىق ىزدەستىرۋ قىزمەتكەرلەرى وسى قىلمىستى جاسادى دەگەن كۇدىكپەن 36 جاستاعى جامبىل وبلىسىنىڭ تۋماسىن ۇستادى. ول بۇرىن بىرنەشە رەت وسىعان ۇقساس قىلمىستار جاساعانى ءۇشىن سوتتالعان»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

جوعارىدا اتالعان ازامات بىرنەشە رەت سوتتالعاندىقتان، جامبىل وبلىسىندا پروباسيالىق باقىلاۋدا تۇرعاندىعى انىقتالدى. پوليسيا قىزمەتكەرلەرى بۇل ادامنىڭ قالادا وسىعان ۇقساس باسقا دا قىلمىستارعا قاتىستىلىعىن تەكسەرۋدە. ۇستالعان ادام پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى، تەرگەۋ جالعاسۋدا.