«ۇلاعاتتى وتباسى – ۇلت قۇندىلىعى»
ءدال وسىنداي اتاۋمەن الماتىدا قوعامدىق دامۋ باسقارماسى جوبالىق كەڭسەسىنىڭ ارنايى ۇيىمداستىرۋىمەن اشىق ديالوگ الاڭى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
وتباسىلىق قۇندىلىقتاردى ناسيحاتتاۋعا ارنالعان ءىس-شاراعا كوپكە ۇلگىلى جانۇيالار، ونەر جۇلدىزدارى قاتىستى. جيىن بارىسىندا جاستار كوكەيدە جۇرگەن ساۋالدارىنا جاۋاپ الدى.
«ءار وتباسى تۇعىرى بيىك بولسا، مەملەكەتتىڭ دە تۇعىرى بيىك بولماق. ەل بولام دەسەڭ ەكرانىڭدى تۇزە دەيدى. وسى ەكران ارقىلى، مىنا كوركەم ادەبيەت ارقىلى، تەاتر ارقىلى ۇلتتىق قۇندىلىقتارىمىزدى ناسيحاتتاۋىمىز كەرەك»، – دەدى اكتەر، قازاقستاننىڭ ەڭبەك سىڭىرگەن قايراتكەرى بولات ءابدىلمانوۆ.
«وتباسى قۇندىلىعى دەگەنىمىز نە؟ جاستار نەنى ءبىلۋ كەرەك؟ وسى سۇراقتاردىڭ اينالاسىندا جاۋاپ ىزدەدىك. جاستارعا قىزىقتى بولدى دەپ ويلايمىن»، – دەدى جوبا ۇيىمداستىرۋشىسى دارحان بالاجانوۆ.