«الاتاۋ سيتي» تۇرعىن ءۇي كەشەنىنىڭ 37 جاستاعى تۇرعىنى بىرنەشە رەت وق اتقان
الماتىدا ايدىڭ كۇننىڭ امانىندا قولىنا قارۋ الىپ، ەلدىڭ ۇرەيىن ۇشىرعان كۇدىكتى 3-7 جىلعا دەيىن باس بوستاندىعىنان ايىرىلۋى مۇمكىن. بۇل تۋرالى الاتاۋ اۋدانىنىڭ پروكۋرورى ءىزباسار ماساقبايەۆ ايتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قۇزىرلى ورگان وكىلدىگىنىڭ حابارلاۋىنشا، ىسكە قاتىستى سوتقا دەيىنگى تەرگەۋ باستالعان. 10 شىلدە كۇنى كەشكى ساعات 10.00-دە «الاتاۋ سيتي» تۇرعىن ءۇي كەشەنىنىڭ 37 جاستاعى تۇرعىنى «ۆەپر» ماركالى اتىس قارۋىن الىپ بىرنەشە رەت وق اتقانىن ەسكە سالايىق. ابىروي بولعاندا ەشكىم جارالانعان جوق. پوليسيا دەپارتامەنتى ونىڭ بۇل ارەكەتىن وتباسىنداعى جانجالمەن بايلانىستىرىپ وتىر. الىس ساپاردان كەلگەن جۇك كولىگىنىڭ جۇرگىزۋشىسى ايەلىمەن سوزگە كەلىپ قالعان.
«مامانداندىرىلعان اۋدانارالىق سوتىنىڭ شەشىمىمەن 2 اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى ساكسيالاندى. اتالعان ازاماتتىڭ ىس-ارەكەتىن اقتاۋعا كەلمەيدى. سەبەبى ول ىقشاماۋداندا 2 مىڭنان استام ازامات تۇرادى. قارۋ ۇستاۋعا، ساقتاۋعا ونىڭ رۇقسات قاعازى بار. ءبىراق ورىنسىز قارۋ قولدانۋ، كوپشىلىكتىڭ ۇرەيىن الۋ تەرگەۋ كەزىندە ساراپتالادى»، – دەدى الاتاۋ اۋدانىنىڭ پروكۋرورى ءىزباسار ماساقبايەۆ.