الماتىدا 85 ۆاكسينا پۋنكتى جۇمىس ىستەيدى
وتكەن تاۋلىكتە كوروناۆيرۋستان 343 ادام ەمدەلىپ شىقتى، دەپ حابارلايدى Almaty-akshamy.kz Almaty.tv-گە سىلتەمە جاساپ. ال، جالپى ىندەت باستالعالى دەرتىنە داۋا تاپقانداردىڭ سانى 1 ملن 293 899 ادامعا جەتكەن. وسى تۇستا ەكپەنىڭ 2-كومپونەنتىن الۋ ءۇشىن الماتىنىڭ وزىندە 8 ۆاكسينا پۋنكتى جۇمىس ىستەپ تۇر.
سوڭعى رەسمي دەرەككە سۇيەنسەك، ەل بويىنشا ەكپە العانداردىڭ سانى 1-كومپونەنت ءۇشىن 1 ملن 228 مىڭ، ال 2-كومپونەنت دەڭگەيىندە 1 ملن 161 مىڭ ادامنان اسىپ وتىر. بۇل قاتاردا جاسوسپىرىمدەر مەن جۇكتى جانە بالا ەمىزەتىن ايەلدەر دە بار. قالالىق №3 ەمحانا تۇرعىندار ءۇشىن ۆاكسينا سالاتىن كەزەكتى مەكەمەلەردىڭ ءبىرى. ماماندار ىندەت قايتا ورشىگەلى مۇندا كەلەتىن ازاماتتاردىڭ دا قاتارى كوبەيگەنىن ايتادى.
«ريەۆاكسينالاۋعا كەلدىم بۇگىن. پروفيلاكتيكالىق تەكسەرۋدەن وتەم. ءقازىر الماتى قالاسىندا كوۆيد-19 قايتادان ۋشىعىپ جاتىر. قايتادان قىزىل زوناعا كىرۋى مۇمكىن. ءوزىمنىڭ دەنساۋلىعىمدى ويلاعان ءجون دەپ سانايمىن»، – دەدى قالا تۇرعىنى راۆيل جولدىمباي.
«ەپيدەميا دەگەن وتە قورقىنىشتى عوي. ءوزىمدى بىلاي قويعاندا، جاقىندارىمنىڭ امان بولعانىن تىلەيمىن. بۇرىن دا ەكپە العانمىن، بۇگىن قايتا ەكپە الۋ ءۇشىن كەلدىم»، – دەدى قالا تۇرعىنى ولگا كوزلوۆا.
دارىگەرلەر ەكپە اراسىندا ۇزاق ۋاقىت ءوتىپ كەتسە، ادام اعزاسىنداعى انتيدەنەلەردىڭ ازاياتىنىن ايتادى. سوندىقتان، تيىسىنشە ۋاقىتىلى ۆاكسينا سالعىزعان ءجون.
«بۇگىنگى كۇنگە دەيىن ءبىزدىڭ №3 ەمحانا 1-كومپونەنتپەن 41232 ادام، 2-كومپونەنتپەن 39 378 ادام ەكپە الدى. 29 039 ادامعا قايتا ەگىلدى. ونىڭ ىشىندە جۇكتى ايەلدەر، بالا ەمىزەتىن ايەلدەر، جاسوسپىرىمدەر قامتىلعان»، – دەدى قالالىق №3 ەمحانانىڭ ءبولىم مەڭگەرۋشىسى اقبايان داۋلەتبايەۆا.
ءقازىر الماتىداعى مەديسينالىق ۇيىمداردا 85 ۆاكسينا پۋنكتى جۇمىس ىستەيدى. ال، جالپى 99 بريگاداعا 313 قىزمەتكەر جۇمىلدىرىلىپ وتىر.