وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا جەتىسۋ اۋدانىنىڭ اكىمى لياززات جىلقىبايەۆا جاڭا ەمحانالاردىڭ اشىلۋى مەن قولدانىستاعى الەۋمەتتىك قولداۋ ورتالىقتارىنىڭ جۇمىسى تۋرالى ايتتى، دەپ حابارلايدى aqshamnews.kz
جىل سوڭىنا دەيىن نۇسىپبەكوۆ كوشەسىندە تاۋلىگىنە 200 ادامعا قىزمەت كورسەتەتىن جاڭا ەمحانا اشىلادى. وماروۆ كوشەسىندەگى تاعى ءبىر ەمحانا تاۋلىگىنە 300 ادامعا قىزمەت كورسەتۋگە مۇمكىندىك بەرەدى.
سونىمەن قاتار، شىلدە ايىندا 21ء-شى قالالىق ەمحانانى تولىق جوندەۋ جۇمىسى اياقتالماق.
اۋداندا مەملەكەتتىك تاپسىرىس بويىنشا 5 الەۋمەتتىك جوبا جۇزەگە اسىرىلىپ، تۇرعىندارعا ءارتۇرلى قىزمەت تۇرلەرى ۇسىنىلادى:
* «وتباسى قولداۋ ورتالىعى» پسيحولوگتىق، زاڭگەرلىك كومەك كورسەتىپ، انالارعا اسپازدىقتى، اعىلشىن ءتىلىن، بيزنەس پەن باسقا دا داعدىلاردى وقىتادى. جىل باسىنان بەرى مۇندا 360 ادام تىركەلىپ، 1 720 قىزمەت كورسەتىلدى.
* «Ten Qogam» ورتالىعى مۇمكىندىگى شەكتەۋلى جاندارعا كومەك كورسەتەدى – مامانداردىڭ كومەگىنەن باستاپ، كۋرستار مەن كاسىبي باعدارلاۋ قىزمەتتەرى ۇسىنىلادى. ورتالىق 130 ادامعا 304 قىزمەت كورسەتكەن.
* «شىڭعا ورلەۋ» كلۋبى 137 بالاعا ءتىل ۇيرەتىپ، ماتەماتيكانى، IT –ءدى وقىتقان.
* اينابۇلاق پەن كەمەلدە بەلسەندى ۇزاق ءومىر ءسۇرۋ ورتالىقتارى 318 قارتقا 4800-دەن استام قىزمەت كورسەتىپ، يوگا، ايكۋنە، قولونەر، حورەوگرافيا، كومپيۋتەرلىك ساۋاتتىلىق، تىلدەر بويىنشا كۋرستار مەن باسقا دا قىزمەتتەر ۇسىندى.