وڭىرلىك كوممۋنيكاسيالار قىزمەتىنىڭ الاڭىندا جەتىسۋ اۋدانىنىڭ اكىمى ءلاززات جىلقىبايەۆا ەسەپ بەردى. ءىس-شارا بارىسىندا اۋدان اكىمى «كەلەشەك مەكتەپتەرى» ۇلتتىق جوباسى اياسىندا سالىنىپ جاتقان جاڭا ءبىلىم بەرۋ نىساندارى مەن باسقا دا قولعا الىنعان باستامالار جونىندە باياندادى، دەپ حابارلايدى aqshamnews.kz
وقۋشى ورنىنىڭ تاپشىلىعىن ازايتۋ ءۇشىن 2024 جىلدىڭ ءساۋىر ايىندا بۇرىنداي كوشەسىندە 1200 ورىندىق جاڭا مەكتەپ سالىنا باستادى. قۇرىلىس جۇمىسىن 2025 جىلدىڭ جەلتوقسانىندا اياقتاماق ويدا.
«بىلتىرعى شىلدە ايىندا №43 مەكتەپكە سپورت پەن اكت زالدارىن قوسۋ بويىنشا جوبالىق-سمەتالىق قۇجاتتامانى (جسق) ازىرلەۋ باستالدى. سونىمەن قاتار №87 مەن №118 مەكتەپكە قوسىمشا عيماراتتار سالۋدى جوسپارلاپ وتىرمىز»، – دەدى لياززات جىلقىبايەۆا.
2024 جىلدىڭ جەلتوقسان ايىندا اينابۇلاق ىقشاماۋدانىندا 160 ورىندىق جاڭا بالاباقشا پايدالانۋعا بەرىلدى. سونىمەن قاتار №163 بالاباقشا مەن راتۋشنىي كوشەسى- 139 مەكەنجايىنداعى بالاباقشانى جاڭارتۋدى كوزدەيتىن جسق ازىرلەنىپ جاتىر.
بۇدان بولەك، اينابۇلاقتا العاش رەت شىعارماشىلىق دامۋ ورتالىعىن سالۋ جوسپارلانىپ وتىر. بۇل ورتالىقتا روبوتوتەحنيكا، IT، ديزاين، مۋزىكا، تەاتر مەن باسقا دا باعىتتاردى دا قامتىعان ستۋديالار ورنالاسادى. جوبالىق-سمەتالىق قۇجاتتاما 2025 جىلدىڭ ءۇشىنشى توقسانىندا اياقتالىپ، ءتورتىنشى توقساندا قۇرىلىس جۇمىسى باستالماق.
«جاڭا ورتالىقتا شىعارماشىلىقپەن اينالىسقىسى كەلەتىن بالالار مەن جاسوسپىرىمدەرگە ارنالعان ءتۇرلى باعىتتاعى ۇيىرمەلەر مەن ستۋديالار جۇمىس ىستەيدى. ورتالىق جاڭا قۇرال-جابدىقپەن جابدىقتالىپ، بالالاردىڭ قابىلەتىن ۇشتاۋعا كومەكتەسەدى»، – دەپ اتاپ ءوتتى ءلاززات جىلقىبايەۆا.