ۇستالعان ەر-ازاماتتار الماتىلىقتارعا «ارزان» پاتەر مەن كولىك ۇسىنعان.
الماتى پوليسەيلەرى قالا تۇرعىندارىن الداعان الاياقتاردى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، 1983 جانە 1985 جىلى تۋعان ەر ادامدار بىرنەشە اي بويى قىمبات كولىكتەر مەن پاتەرلەردى جالعا الىپ، ولاردى قىسقا مەرزىمدە ارزان باعاعا قايتا ساتقان.
«ساتىپ الۋشىلار تانىستار ارقىلى تابىلدى، “سارافاندى راديو” جۇمىس ىستەدى. ولار ساتىپ الۋشىلاردى جىلجىمايتىن مۇلىككە قۇجاتتار كەيىنىرەك بەرىلەتىنىنە سەندىرە الدى. بۇل فاكتور ەركەكتەرگە الدانىپ قالعان ازاماتتاردان تاۋار ءۇشىن تولىق تولەم الۋعا كەدەرگى بولمادى. الاياقتىق فاكتىسى بويىنشا ق ر قك-نىڭ 190-بابى 4-بولىگى بويىنشا سوتقا دەيىنگى تەرگەۋ باستالدى. تەرگەۋ شارالارى بارىسىندا “دۋەتتىڭ” قىلمىستىق ارەكەتىنىڭ قوسىمشا ەپيزودتارى انىقتالدى. قازىرگى ۋاقىتتا ولارعا قاتىستى تاعى بەس قىلمىستىق ەپيزود دالەلدەندى. تەرگەۋ كەزەڭىندە ۇستالعاندارعا قاتىستى قاماۋ تۇرىندەگى بۇلتارتپاۋ شاراسى تاڭدالدى. سونىمەن قاتار، وسى ادامداردىڭ قىلمىستىق ارەكەتتەرىنەن زارداپ شەككەن ازاماتتار بولسا، مىنا تەلەفون نومىرلەرى بويىنشا بىزگە حابارلاسۋىن سۇرايمىز: + 7-708-707-92-02؛ + 7-705-555-77-63؛ + 7-775-774-44-41 جانە + 7-775-106-18-84»، - دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
