11 شىلدە كۇنى قازاقستاننىڭ بارلىق دەرلىك قالاسىندا قولايلى مەتەورولوگيالىق جاعداي قالىپتاسادى، دەپ حابارلايدى Almaty-akshamy.kz. «قازگيدرومەت» رمك مالىمەتىنشە، دۇيسەنبى كۇنى اتموسفەرالىق اۋا ساپاسى تەك الماتى مەن اقتوبە قالالارىندا ناشارلايدى. وزگە شاھارلاردا مەتەواحۋال نورما شەگىندە بولادى. قولايسىز مەتەورولوگيالىق جاعدايلار – اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
