سوتقا دەيىنگى تەرگەۋ باستالدى
الماتىدا تۇرعىن ءۇيدىڭ اۋلاسىندا قارۋمەن جۇرگەن ادام ۇستالدى، دەپ حابارلايدى Almaty-akshamy.kz قازاقپارات-قا سىلتەمە جاساپ. بۇل اقپاراتتى الماتى قالالىق پوليسيا دەپارتامەنتى باستىعىنىڭ ورىنباسارى رۋستام ابدراحمانوۆ راستادى.
«پوليسياعا ساعات 22.00 شاماسىندا 102 پۋلتىنە ەكى رەت وق اتقان ادام تۋرالى حابارلاما ءتۇستى. الاتاۋ اۋدانىنىڭ «دارابوز» ىقشام اۋدانىنداعى تۇرعىن ۇيلەردىڭ اراسىندا قارۋمەن جۇرگەن ادام ۇستالدى. الدىن الا مالىمەت بويىنشا، ول وتباسىلىق جانجالعا بايلانىستى مۇنداي قادامعا بارعان. اتالعان فاكتى بويىنشا سوتقا دەيىنگى تەرگەۋ باستالدى»، - دەلىنگەن پوليسيا حابارلاماسىندا.