قالا اكىمى قازىرگى تۇرعىن ءۇي قۇرىلىسىنىڭ قارقىنىنا بايلانىستى وزەكتى ماسەلەنى كوتەردى
بۇگىندە بوستاندىق اۋدانىندا، اسىرەسە، «مەگا سەنتر»، «ادك» ساۋدا ورتالىقتارىنىڭ، بۇرىنعى جەمىس كونسەرۆىلەۋ كومبيناتىنىڭ جانىندا، سونداي-اق ساتبايەۆ – بايتۇرسىنوۆ – بۇقار جىراۋ كوشەلەرى – ەسەنتاي وزەنى بولىگىندە تۇرعىن ءۇي قۇرىلىسى قارقىندى جۇرۋدە، دەپ حابارلايدى Almaty-akshamy.kz
وسىعان بايلانىستى، قازىرگى قالا باسشىسىنىڭ تاپسىرماسى بويىنشا الەۋمەتتىك ينفراقۇرىلىم وبەكتىلەرىن مىندەتتى تۇردە سالۋ تالاپتارىن ەسكەرىلە وتىرىپ، قۇرىلىس سالۋ تاسىلدەرى قايتا قارالدى.
«بۇرىن رۇقسات بەرۋ كەزىندە قۇرىلىس سالۋشىلاردان بۇل قاتاڭ تالاپ ەتىلمەگەن، سوندىقتان قازىرگى «اۋىتقۋلارعا» الىپ كەلدى. قۇرىلىس ماسەلەلەرىن جۇيەلى تۇردە شەشۋ ءۇشىن وسى جىلدىڭ مامىر ايىندا اباي داڭعىلىنىڭ وڭتۇستىگىندە شىعىس اينالما جولىنان ياسساۋي كوشەسىنە دەيىن 9 قاباتتان بيىك عيمارات سالۋدى شەكتەيتىن جاڭا رەگلامەنت قالا ءماسليحاتىنىڭ بەكىتۋىنە ۇسىنىلادى، ياعني بۇل پەريمەترگە بارلىق بوستاندىق اۋدانى كىرەدى»، - دەدى قالا اكىمى ەربولات دوسايەۆ.