بيىل «بولاشاق» باعدارلاماسى گرانتتارىنىڭ 60%-ى ينجەنەرلىك-تەحنيكالىق ماماندىقتارعا ءبولىندى.
وسىعان وراي «بولاشاق» باعدارلاماسىمەن وقۋعا بولاتىن جوعارى وقۋ ورىندارىنىڭ ءتىزىمى الەمنىڭ 23 جەتەكشى تەحنيكالىق ۋنيۆەرسيتەتىمەن تولىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ولاردىڭ قاتارىندا ەيندحوۆەن تەحنيكالىق ۋنيۆەرسيتەتى، گامبۋرگ ۋنيۆەرسيتەتى، لەستەر ۋنيۆەرسيتەتى، پوحانگ عىلىم جانە تەحنولوگيا ۋنيۆەرسيتەتى، درەزدەن تەحنيكالىق ۋنيۆەرسيتەتى جانە ت.ب.
ءبىز جىل سايىن ۋنيۆەرسيتەتتەردىڭ گەوگرافياسىن كەڭەيتىپ وتىرامىز. وتكەن جىلى ءتىزىم اۆستريا، چەحيا، يرلانديا جانە وڭتۇستىك افريكا ۋنيۆەرسيتەتتەرىمەن تولىقتى.
جالپى تىزىمگە QS World University Rankings، World University Rankings، Academic Rankings of World University Rankings حالىقارالىق اكادەميالىق رەيتينگتەرىنىڭ 250 ۇزدىك ۋنيۆەرسيتەتتەرى مەن ءبرۇقوا ەلدەرى ۇلتتىق رەيتينگتەرىنىڭ 20 ۇزدىك ۋنيۆەرسيتەتى قاتارىنداعى 27 ەلدىڭ 236 ۋنيۆەرسيتەتى كىرەدى.