قالا باسشىسى بوستاندىق اۋدانىنىڭ تۇرعىندارىمەن كەزدەستى.
2022 جىلعى 1 ساۋىردە بوستاندىق اۋدانىندا حالىقتىڭ الەۋمەتتىك وسال توپتارىنىڭ پروبلەمالارىن شەشۋ، مۇمكىندىگى شەكتەۋلى ادامدارعا قىزمەتتەر كەشەنىن ۇسىنۋ، زەينەتكەرلەردىڭ بوس ۋاقىتىن ۇيىمداستىرۋ جانە كوپ بالالى وتباسىلاردى قولداۋ ءۇشىن جەتكىلىكتى دامىعان جۇيە جۇمىس ىستەي باستادى، دەپ حابارلايدى Almaty-akshamy.kz
بۇگىننىڭ وزىندە ءارتۇرلى ۇكىمەتتىك ەمەس ۇيىمدار اياسىندا الەۋمەتتىك جوبالارمەن اينالىساتىن 30 مىڭنان استام ادام مەملەكەتتىك الەۋمەتتىك تاپسىرىس بويىنشا قامتىلعان.
مۇمكىندىگى شەكتەۋلى ادامدار سانىنىڭ ءوسۋى الاڭداتىپ وتىر. ەگەر بۇدان 5 جىل بۇرىن قالادا 45 مىڭ ادام بولسا، ءقازىر ولار 53 مىڭنان اسادى، سونىڭ ىشىندە 7 مىڭنان استام مۇمكىندىگى شەكتەۋلى ازاماتتارىمىز بوستاندىق اۋدانىندا تۇرادى.
«جۇمىس ىستەيتىن مۇگەدەك ادامداردى قولداۋ ءۇشىن ءبىز جىلدىڭ باسىنان جۇمىس ىستەيتىن مۇگەدەكتەر ءۇشىن الەۋمەتتىك جۇمىس ورىندارىن سۋبسيديالاۋ كولەمىن – 63 مىڭنان 92 مىڭ تەڭگەگە دەيىن كوبەيتتىك، وسى ماقساتتارعا 405 ملن تەڭگە (980 ورىن) بولدىك.
الماتىدا مۇگەدەك ادامدار ءۇشىن الەۋمەتتىك ينفراقۇرىلىم وبەكتىلەرىنىڭ قولجەتىمدىلىگىن شەشۋ ءۇشىن 2021 جىلدىڭ قىركۇيەك ايىندا ءتيىستى جوسپار بەكىتىلدى. بوستاندىق اۋدانى 72 وبەكتىنى بەيىمدەۋ جوسپارىن ورىنداۋعا ءتيىس. بۇل باعىتتاعى جۇمىس كۇشەيتىلەدى جانە ءوزىمنىڭ جەكە باقىلاۋىما الامىن»، - دەدى الماتى اكىمى ەربولات دوسايەۆ.
.