الەۋمەتتىك-ەكونوميكالىق كورسەتكىشتەر بويىنشا اۋدان الدىڭعى قاتاردا.
بوستاندىق اۋدانىنىڭ الەۋمەتتىك-ەكونوميكالىق جاعدايىنا بۇگىن اۋدان تۇرعىندارىمەن كەزدەسۋدە مەگاپوليس باسشىسى ەربولات دوسايەۆ ەگجەي-تەگجەيلى توقتالدى، دەپ حابارلايدى Almaty-akshamy.kz
«جاڭا فورماتتاعى العاشقى كەزدەسۋىمدى مەن قالامىزدىڭ بوستاندىق اۋدانىندا وتكىزۋدى شەشتىم، سەبەبى بۇل ەڭ ءىرى اۋدان، وندا 365 مىڭ ادام نەمەسە الماتى حالقىنىڭ 18% تۇرادى»، - دەدى قالا اكىمى.
الەۋمەتتىك-ەكونوميكالىق كورسەتكىشتەر بويىنشا اۋدان الدىڭعى قاتاردا. ول جۇمىسپەن قامتۋدىڭ 19،7%-ىن قامتاماسىز ەتەدى (2021 جىلى 193،6 مىڭ ادام، قالاداعى بارلىق جۇمىسپەن قامتىلعاندار – 982،7 مىڭ ادام). ولاردىڭ نەگىزگى بولىگى شاعىن جانە ورتا بيزنەستە ەڭبەك ەتەدى – بۇل اۋدانداعى جۇمىس ىستەيتىن حالىقتىڭ 66،5%-ى (128،7 مىڭ ادام شوب-تا).
اۋدان سالىق تۇسىمدەرىنىڭ 24% قامتاماسىز ەتەدى، 2021 جىلى 284،7 ملرد. تەڭگە ينۆەستيسيا تارتىپ، Iء-شى ورىندى يەلەندى. بيىل قاڭتار-اقپان ايلارىندا ينۆەستيسيا كولەمى 13،2%-عا ءوسىپ، 42،2 ملرد تەڭگەنى قۇرادى.
بيىل اۋداندا 7 000 استام جاڭا جۇمىس ورنىن قۇرۋدى جوسپارلاپ وتىرمىز (قالا بويىنشا – 52 200). جۇمىسپەن قامتۋ ورتالىعى ارقىلى 2 730 ادامدى جۇمىسقا ورنالاستىرۋ جانە جەكە باستامالار ەسەبىنەن 4 413 ورىن جوسپارلانۋدا.