سوڭعى 10 كۇندە اۋرۋحانالارداعى ناۋقاستاردىڭ سانى 2،5 ەسە وسكەن. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا قالانىڭ باس سانيتارلىق دارىگەرى جانداربەك بەكشين حابارلادى.
وتكەن تاۋلىكتە كوروناۆيرۋستىق ينفەكسيانىڭ 638 جاڭا جاعدايى تىركەلدى. بارلىق ەمدەلىپ شىققاندار – 35، كەلىپ تۇسكەنى – 206.
2021 جىلدىڭ 12 شىلدە كۇنى تاڭەرتەڭ ينفەكسيالىق ستاسيونارلاردا (5 060 توسەك-ورىن جۇكتەمەسى) 1 724 ادام (ونىڭ ىشىندە 143 بالا) ەم الۋدا، ياعني، 34%-ى جۇمىسپەن قامتىلعان.
ءوجج اپپاراتتارىندا 17 ناۋقاس جاتىر. جالپى، جانساقتاۋ جانە قارقىندى تەراپيا بولىمشەلەرىندە ناۋقاستاردىڭ سانى 10 كۇننىڭ ىشىندە 50-دەن 121-گە دەيىن، ياعني 2،4 ەسەگە كوبەيدى.
بۇگىنگى تاڭدا بمسك جانە تەلەمەديسينا ورتالىعى دارىگەرلەرىنىڭ باقىلاۋىندا 3 255 پاسيەنت بار، ال اۋرۋحانالار مەن ۇيدە 40 جاسقا دەيىنگى جاستار سانىنىڭ كۇرت ءوسۋى بايقالدى.
2021 جىلدىڭ 12 شىلدەدەگى اقپاراتقا سايكەس، الماتى قالاسى بويىنشا ءبىر تاۋلىك ىشىندە 9 418 ادام ۆاكسينا الدى. 2021 جىلدىڭ 1 اقپانى مەن 11 شىللدەسى ارالىعىندا قالا بويىنشا ەكپەنىڭ 1-كومپونەنتىن 585 116 ادام العان.
بۇگىنگى تاڭدا الماتىدا 212 ەگۋ پۋنكتى جۇمىس ىستەيدى. 308 ۆاكسينالاۋ بريگاداسىنا 1 260 مەديسينا قىزمەتكەرلەرى جۇمىلدىرىلعانى. قالا بويىنشا ۆاكسينا قورى جەتكىلىكتى.