الماتى دارىگەرلەرى كوروناۆيرۋسپەن كۇرەسۋگە دايىن.
الماتى دارىگەرلەرى كوروناۆيرۋسپەن كۇرەس جۇمىستارىن جۇرگىزىپ جاتىر. قازىرگى كەزدە ولار 5060 توسەك-ورىن دايىنداپ قويعان، دەپ حابارلايدى اlmaty-akshamy.kz.
كوروناۆيرۋس دەرتىنە شالدىققان ازاماتتاردى ەمدەۋ ماقساتىندا الماتىدا 5060 توسەك-ورىن بار. مامانداردىڭ ايتۋىنشا، اۋرۋلاردىڭ سانى وسكەن جاعدايدا، توسەك-ورىن دا كوبەيتىلەدى. بۇل تۋرالى 12 شىلدە كۇنى الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆ ايتىپ بەردى.
«بۇگىنگى تاڭدا بىزدە 5060 توسەك-ورىن بار. الداعى كۇندەرى كوروناۆيرۋس دەرتىنە شالدىققان ازاماتتاردىڭ سانى 50% كوبەيگەن جاعدايىندا ءبىز قوسىمشا ورىن دايىندايمىز. ال دەنساۋلىق ساقتاۋ مينيسترلىگىنىڭ بولجامى بويىنشا، اۋرۋلاردىڭ سانى كوبەيۋى مۇمكىن»، – دەدى ناريمان تابىنبايەۆ.
دارىگەرلەردىڭ ايتۋىنشا، وتكەن تاۋلىكتە الماتىدا ءقاۋىپتى ىندەتتى جۇقتىرعان 638 جاڭا جاعداي تىركەلدى. بۇل – بيىلعى جازداعى انتيرەكورد. ماۋسىم ايىنىڭ سوڭعى كۇندەرى اۋرۋعا شالدىققان 600 جاعداي انىقتالدى. بۇل كوروناۆيرۋستىڭ ءۇندى شتامىنىڭ تارالۋىمەن بايلانىستى.