تۇسىندىرمە جۇمىستارى جۇرگىزىلىپ جاتىر.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا Ashyq جوباسىنىڭ تيىمدىلىگى تۋرالى ايتتى، دەپ حابارلايدى Almaty-akshamy.kz.
10 ماۋسىمنان باستاپ مونيتورينگ قورىتىندىسى بويىنشا كارانتين رەجيمىن بۇزعان 32 قالا تۇرعىنىنا ايىپپۇل سالىندى.
«بۇگىندە Ashyq جۇيەسى جۇقتىرعانداردىڭ كارانتين رەجيمىن ساقتاۋ ءارى ينفەكسيانىڭ تارالۋىنا جول بەرمەۋىن باقىلاۋدا. 2021 جىلى 9 ءساۋىر مەن 8 شىلدە ارالىعىندا قوعامدىق تاماقتانۋ نىساندارىندا سكانەرلەۋ كەزىندە "قىزىل" مارتەبەسى بار 323 ادام تىركەلدى. فيتنەس، باسسەيندەردە – 164، كينوتەاترلاردا – 79، سوسو – 24، حقكو كەلۋشىلەردىڭ اراسىندا 21 ادام انىقتالدى. ءتارتىپ بۇزۋشىلارعا 10 ماۋسىمنان باستاپ 30 اەك بويىنشا 32 ايىپپۇل سالىندى. وتكەن اپتادا 10 ايىپپۇل سالىندى»، - دەدى جانداربەك بەكشين.
تەكسەرۋشىلەر كاسىپكەرلەرگە سانيتارلىق تالاپتاردى ەسكەرە وتىرىپ، تۇسىندىرمە جۇمىستارىن جۇرگىزدى.
«ءبىز تاعى دا قالا ازاماتتارىنان كوروناۆيرۋستىڭ تارالۋىنا قارسى كۇرەستە كومەك كورسەتۋدى، ۆاكسينالاۋدى جانە Ashyq جۇيەسىندەگى نىساندارعا بارۋ ءۇشىن مىندەتتى تۇردە تىركەۋدەن ءوتۋدى سۇرايمىز. سونداي-اق كۆي-گە تەست وڭ ناتيجە كورسەتكەن جاعدايدا الەۋمەتتىك جاۋاپكەرشىلىك تانىتىپ، قوعامدىق ورىندارعا بارماۋعا شاقىرامىز»، – جانداربەك بەكشين.
Ashyq جۇيەسىنىڭ مالىمەتتەرى بويىنشا، الماتى قالاسىندا 2021 جىلى 28 ماۋسىم مەن 1 شىلدە ارالىعىندا سكانەرلەۋ ناتيجەسىندە كاسىپكەرلىك نىساندارىنا كىرگەن كەزدە 28 تۇرعىننىڭ «قىزىل» مارتەبەسى جانە 9 ادامنىڭ «سارى» مارتەبەسى راستالدى.
كوپ جاعدايدا «قىزىل» مارتەبە تاماقتانۋ ورىندارىنا، فيتنەس-ورتالىقتارعا، كينوتەاترلارعا جانە اۋەجايعا كەلۋشىلەردەن انىقتالۋدا.