قالا اۋداندارىندا ناۋرىز قالاي تويلانادى؟

قالا تۇرعىندارى مەن قوناقتارىنا ىڭعايلى بولۋ ءۇشىن مەرەكەلىك ءىس-شارالار بارلىق اۋداندا ۇيىمداستىرىلادى. 

اۋەزوۆ اۋدانىندا «ناۋرىز-2023» مەرەكەلىك ءىس-شاراسى 21 ناۋرىز كۇنى ساعات 11:00-دەن 18:00-گە دەيىن اۋەزوۆ اۋدانى اكىمدىگىنىڭ الدىندا وتەدى (التىنسارين، 23). قازاقستاندىق ەسترادا جۇلدىزدارىنىڭ قاتىسۋىمەن كونسەرتتىك باعدارلاما سول كۇنى ساعات 18:00-دەن باستالىپ، اۋەزوۆ اۋدانى اكىمدىگىنىڭ الاڭىندا ساعات 20:00-گە دەيىن جالعاسادى.

الاتاۋ اۋدانىندا مەرەكە 22 ناۋرىز كۇنى ساعات 11:00-دەن 16:30-عا دەيىن «الاتاۋ» ءداستۇرلى ونەر تەاترىنىڭ اۋماعىندا وتەدى.

بوستاندىق اۋدانىندا «ناۋرىز مەيرامى» سالتاناتتى ءىس-شاراسى 21 ناۋرىز كۇنى ساعات 12:00-دەن 15:00-گە دەيىن Mega Center سوو امفيتەاترىندا وتەدى.

جەتىسۋ اۋدانىندا «ناۋرىز تويى – 2023» مەرەكەسىن 21 ناۋرىز كۇنى ساعات 11:00-دەن 17:00-گە دەيىن «گۇلدەر» ساياباعىندا وتكىزۋ جوسپارلانىپ وتىر.

مەدەۋ اۋدانىندا كونسەرتتىك باعدارلاما 21 ناۋرىزدا ساعات 12:00-دەن 15:00-گە دەيىن ۇلتتىق عىلىم اكادەمياسىنىڭ الدىندا جوسپارلانعان.

تۇركسىب اۋدانىندا «ناۋرىز مەيرامى» مەرەكەلىك باعدارلاماسى 21 ناۋرىز كۇنى ساعات 11:00-دەن 17:00-گە دەيىن س.سەيفۋللين اتىنداعى ساياباقتا وتەدى.

ناۋرىزباي اۋدانىندا «ناۋرىز توي – 2023» كونسەرتى 22 ناۋرىزدا ساعات 11:00-دەن 16:00-گە دەيىن اباي داڭعىلىندا (الاتاۋ كوشەسىنەن سترويتەلنايا كوشەسىنە دەيىن) وتەدى. 

المالى اۋدانىندا ناۋرىز مەرەكەلىك كونسەرتى 21 ناۋرىزدا ساعات 14:00-دەن باستالىپ، Mega Park سوو اۋماعىندا ساعات 17:00-گە دەيىن جالعاسادى، سونىمەن قاتار، 21-23 ناۋرىز ارالىعىندا قولونەرشىلەر جارمەڭكەسى ۇيىمداستىرىلادى.