سەريالدىڭ ءبىرىنشى ماۋسىمى 13 بولىمنەن تۇرادى.
مۋلتسەريال قازاق كۇيشىسى قۇرمانعازى كۇيلەرىنىڭ تاريحىن باياندايدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
اتاپ ايتقاندا، سەريال ايگىلى كۇيشىنىڭ ومىرىندە ءىز قالدىرعان وقيعالاردى: XIX عاسىرداعى قازاق حالقىنىڭ ءوز جەرىن قورعاۋ ارەكەتى مەن ونىڭ وتارشىلداردان كورگەن ازابىن باياندايدى.
جوبانى Tasqyn Studio دايىنداعان. كومپانيا وكىلدەرى بۇل تۋىندىنى قازاق مۋزىكاسىنىڭ ءداستۇرىن انيماسيادا بەينەلەۋدىڭ العاشقى قادامى دەپ باعالاپ وتىر.
«ءبىز حالقىمىزدىڭ مادەني مۇراسىن قالىڭ جۇرتشىلىققا تانىتىپ، تالعامپاز قازاق كورەرمەندەرىمەن قاتار بارلىق ۇلتتار مەن ءار جاستاعى كورەرمەندەر اراسىندا قازاق مادەني-ەتنيكالىق مۇرامىزعا دەگەن قىزىعۋشىلىقتى وياتقىمىز كەلەدى»، - دەدى ستۋديا قىزمەتكەرلەرى.
سەريالداعى كۇيلەردى كۇيشى ابىلاي تىلەپبەرگەن ورىنداعان. ال سەنارييى ناقتى تاريحي وقيعالار مەن ميفتىك اڭىزدارعا نەگىزدەلگەن.
جالپى، انيماسيالىق سەريالدىڭ ءبىرىنشى ماۋسىمى 13 بولىمنەن تۇرادى. ءار ەپيزود 40 مينۋتتى قۇرايدى.