الماتى پوليسياسى “سينتەتيكانىڭ” بىرنەشە دوزاسىن تاركىلەدى.
پوليسەيلەر ەكى “دوپينگ پايدالانۋشىنى” ۇستاۋ كەزىندە 27 بۋما پسيحوتروپتىق زاتتى تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اۋەزوۆ اۋدانى اۋماعىندا، "دوستىق" ىقشاماۋدانىندا جەكە ءتىنتۋ بارىسىندا الماتى قالاسىنىڭ 21 جاستاعى تۇرعىنىنان ەسىرتكى زاتى بار 17 بايلام تابىلدى جانە تاركىلەندى. ساراپتاما قورىتىندىسىنا سايكەس، تاركىلەنگەن زات پسيحوتروپتىق ەسىرتكى ەكەنى انىقتالدى. پوليسيا قىزمەتكەرلەرى 23 جاستاعى تاعى ءبىر قالا تۇرعىنىن 10 بۋما سينتەتيكالىق زاتپەن ۇستادى.
«تەكسەرۋ بارىسىندا پوليەتيلەن قاپتاماعا ورالعان سينتەتيكالىق ەسىرتكى زاتتارى تاركىلەندى. وسى ەپيزودتار بويىنشا ق ر قك-نىڭ 296-بابى 4-بولىگى جانە ق ر قك-نىڭ 297-بابى 3-بولىگىمەن قىلمىستىق ىستەر تىركەلدى. كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
قىلمىستىق ءىستىڭ باسقا دا ءمان-جايلارى ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.