الماتى اكىمدىگى قۇرىلىس سالۋشىمەن بىرلەسىپ «اقكەنت» تك تۇرعىندارىنا پاتەرلەردى قالپىنا كەلتىرۋدە قولداۋ شارالارىن كورسەتەدى
1 تامىزدا ءورت كەزىندە زارداپ شەككەن «اقكەنت» تك تۇرعىندارى ءورتتىڭ سالدارىن جويۋ ءۇشىن قاجەتتى كومەك الادى. قالا اكىمى ەربولات دوسايەۆتىڭ تاپسىرماسى بويىنشا تۇرعىن ءۇي كەشەنىن سالۋشى - "Ayt housing Complex" جشس-مەن كەلىسسوزدەر جۇرگىزىلدى، ونىڭ قورىتىندىسى بويىنشا مىناداي شەشىمدەر قابىلداندى:
- 2 قىركۇيەككە دەيىن «اقكەنت» تك پاتەرلەرىندە ەلەكترمەن جابدىقتاۋدى قالپىنا كەلتىرۋ؛
- قۇرىلىس سالۋشىنىڭ قارجىسى ەسەبىنەن كىرەبەرىس الاڭدارىنا جوندەۋ جۇرگىزۋ؛
- قۇرىلىس سالۋشىنىڭ قارجىسى ەسەبىنەن ەسىكتەر مەن تەرەزەلەردى اۋىستىرۋعا، قۇتقارۋ وپەراسياسى بارىسىندا تارتىلعان بالكونداردى جوندەۋگە جۇمسالاتىن شىعىنداردى وتەۋگە؛
- پاتەرلەردە ارلەۋ جۇمىستارىن جۇرگىزۋ (ليەۆكاس/قابىرعالاردى، توبەلەردى بوياۋ (جوندەۋدەن كەيىنگى جۇمىستاردى تۇرعىندار وزدەرى جۇرگىزەدى)؛
- بارلىق جۇمىستاردى اياقتاپ، تۇرعىندارعا پاتەرلەرگە 20 قىركۇيەكتەن كەشىكتىرمەي كىرۋگە رۇقسات بەرۋ؛
- پاتەرلەردى قالپىنا كەلتىرۋ جۇمىستارى كەزەڭىندە تۇرعىندارعا ۋاقىتشا تۇرۋ بويىنشا شىعىستاردى وتەۋگە نەمەسە تج جەلىسى بويىنشا شارالار اياسىندا تۇرعىن ءۇي بەرۋگە؛
- قالانىڭ قوعامدىق دەنساۋلىق ساقتاۋ باسقارماسى زارداپ شەككەندەرگە دەنساۋلىقتى قالپىنا كەلتىرۋ بويىنشا، ونىڭ ىشىندە تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى مەديسينالىق ساقتاندىرۋ جۇيەسى (مامانداندىرىلعان ەمدەۋ، ەمدەۋگە جاتقىزۋ) اياسىندا مەديسينالىق كومەك كورسەتۋ؛
ەسكە سالساق، قۇرىلىستى سالۋشى «Ayt housing Complex» ج ش س تاراپىنان ءورت كەزىندە قازا تاپقان جاننىڭ وتباسىنا وتەۋسىز نەگىزدە ەكى بولمەلى پاتەر بەرىلەتىن بولادى.