ەندى جۇرگىزۋشىلەرگە بۇل قۇجات ءتۇرىنىڭ قاعاز نۇسقاسىن وزىمەن بىرگە الىپ ءجۇرۋ قاجەتى بولمايدى.
يندۋستريا جانە ينفراقۇرىلىمدىق دامۋ مينيسترلىگى «ۇلتتىق اقپاراتتىق تەحنولوگيالار» اق-مەن بىرلەسىپ اۆتوكولىكتىڭ تەحنيكالىق بايقاۋدان وتكەنىن كۋالاندىراتىن قۇجاتتى سيفرلى فورماتقا كوشىرۋ بويىنشا جۇمىستى باستادى، دەپ حابارلايدى Almaty-akshamy.kz.
«تەحنيكالىق بايقاۋدىڭ دياگنوستيكالىق كارتاسى» ەلەكتروندى ۇكىمەتتىڭ ءموبيلدى قوسىمشاسىنىڭ جەكە كابينەتىندە ساقتالاتىن بولادى.
مينيسترلىكتىڭ مالىمەتىنشە، بۇگىنگى تاڭدا IT ماماندارى ارنايى سەرۆيستى ازىرلەپ جاتىر. ينتەگراسيالىق جۇمىستاردان كەيىن وسى قىزمەتتىڭ پيلوتتىق نۇسقاسى 1 قىركۇيەكتە EgovMobile پلاتفورماسىندا ىسكە قوسىلادى.
سيفرلىق قۇجاتتاردىڭ زاڭدى كۇشى قاعاز جۇزىندەگى نۇسقاسىمەن بىردەي.