اۋعانستانعا ترانزيتتىك تاسىمالداۋدىڭ مۇمكىندىكتەرىن كەڭەيتۋ بويىنشا جۇمىس باستالدى.
قازاقستان تۇرىكمەنستان اۋماعى ارقىلى ۇن ەكسپورتىن ۇلعايتادى. بۇل تۋرالى ەلوردادا ءوتىپ جاتقان قازاقستان مەن اۋعانستان بيزنەس-فورۋمىندا پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين مالىمدەدى، دەپ حابارلايدى Almaty-akshamy.kz.
«قازاقستان مەن اۋعانستاننىڭ ەكىجاقتى فورماتتا دا، بۇكىل ءوڭىر اۋقىمىندا دا ساۋدا سالاسىنداعى ىنتىماقتاستىقتى دامىتۋ ءۇشىن كەڭ الەۋەتى بار. بىرىنشىدەن، قازاقستان ۇنىنىڭ ءداستۇرلى جەتكىزىلىمىن كوبەيتۋ ماڭىزدى. ءبىزدىڭ ۇن اۋعانستانعا وزبەكستان اۋماعى ارقىلى جەتكىزىلەتىنى بەلگىلى فاكت. بيىلعى 4 ايدا اۋعانستانعا وزبەكستان اۋماعى ارقىلى 150،8 ملن اقش دوللارى سوماسىنا 450 مىڭ توننادان استام ۇن جونەلتىلدى»، - دەدى س. جۇمانعارين.
ءقازىر وزبەكستان ارقىلى جۇك تاسىمالى ءتاريفى جوعارى. سوندىقتان ەكسپورت كولەمىن ۇلعايتۋ جانە اۋعان نارىعىن تاۋارلاردىڭ جەتكىلىكتى كولەمىمەن قامتاماسىز ەتۋ ءۇشىن اۋعانستانعا ترانزيتتىك تاسىمالداۋدىڭ مۇمكىندىكتەرىن كەڭەيتۋ بويىنشا جۇمىس باستالدى.
«بۇگىندە تۇرىكمەنستان ءوز اۋماعى بويىنشا جۇك تاسىمالىن دامىتۋعا مۇددەلى جانە ءوز اۋماعى بويىنشا جەڭىلدىكتى ترانزيتتىك تاريف ۇسىنۋعا دايىن. بۇل باعىت، ەڭ الدىمەن، ۇن جونەلتۋدىڭ بالاما باعىتى بولۋى مۇمكىن ەكەنىن اتاپ وتەمىز. وسى ماقساتتار ءۇشىن QazTrade شيكىزاتتىق ەمەس تاۋارلاردىڭ ەكسپورتىن ىلگەرىلەتۋدىڭ ءبىرىڭعاي وپەراتورى وتاندىق تاۋارلاردى بولاشاق ستانسياسىنا دەيىن جەتكىزۋدى ارزانداتۋعا قولداۋ جاسايدى. سونىمەن قاتار، ءبىز اۋعانستانعا ۇن مەن استىقتى پاريتەتتىك نەگىزدە جەتكىزۋ ءۇشىن وزبەكستانمەن ارادا ەلدەرىمىزدىڭ اۋماقتارى بويىنشا ترانزيتتىك تەمىر جول تاسىمالدارىنا جەڭىلدىكتى شارتتار بەرۋ جونىندەگى ۋاعدالاستىقتاردى نىعايتتىق»، - دەدى مينيستر.