QAJY GUIDE ءموبيلدى قوسىمشاسى ىسكە قوسىلدى.
قوسىمشادا ۆيرتۋالدى تۋر، قاجىلىقتى وتەۋ ءتارتىبى، ۇمرانى وتەۋ ءتارتىبى، دۇعالار، كىتاپتار، سۇراق-جاۋاپ، ءدىني سوزدىك، كارتا، حابارلاما، تۋروپەراتورلار ءتىزىمى قامتىلعان، دەپ حابارلايدى Almaty-akshamy.kz قمدب باسپا ءسوز قىزمەتىنە سىلتەمە جاساپ.
قمدب ءتوراعاسى، باس ءمۇفتي ناۋرىزباي قاجى تاعان ۇلىنىڭ تىكەلەي جەتەكشىلىگىمەن قاجىلىق ماۋسىمى قارساڭىندا QAJY GUIDE (قاجى گايد) ءموبيلدى قوسىمشاسى ىسكە قوسىلدى.
Gajy Guide قوسىمشاسى قاجىلىق جانە ۇمرا وتەۋشىلەرگە ارنالعان تەگىن سيفرلىق كومەكشى قۇرال.
قوسىمشا تۋرالى قىسقاشا اقپارات:
ۆيرتۋالدى تۋر ايدارىنا ءوتۋ ارقىلى قاسيەتتى مەكەندەگى جول كارتاڭىزدى كورە الاسىز؛
قاجىلىقتى، ۇمرانى وتەۋ ءتارتىبى كەزەڭ-كەزەڭىمەن تۇسىندىرىلگەن؛
ساپار بارىسىندا قاجەت بولاتىن تاڭداۋلى دۇعالاردى قازاق، اراب، ورىس تىلىندە وقۋعا، اۋديو نۇسقاسىندا دا تىڭداۋعا مۇمكىندىك بار؛
ءمۇفتيات باسپاسىنان جارىق كورگەن قاجىلىققا قاتىستى رەسمي كىتاپتاردى دا وسى قوسىمشا ارقىلى كورۋگە بولادى؛
سۇراق-جاۋاپ ايدارىندا قاجىلىق، ۇمرا، يحرام، ميقات، ارافات سىندى باعىتتار بويىنشا وزىڭىزگە قاجەتتى سۇراققا جاۋاپتى تەز تابا الاسىز؛
سوزدىك ايدارىندا قۇلشىلىق بارىسىندا كەزدەسەتىن ءدىني تەرميندەردىڭ انىقتاماسى بەرىلگەن.
قازاقستان قاجىلارى ورنالاسقان قوناق ۇيلەر كارتا ايدارىندا ىقشامدالىپ بەينەلەنگەن.
قوسىمشا قازاق جانە ورىس تىلىندە ANDROID پلاتفورماسىندا قولجەتىمدى. IOS پلاتفورماسىندا 2-3 كۇن ارالىقتا شىعادى.