الماتى حالىقارالىق مادەني ىنتىماقتاستىقتى بەلسەندى دامىتۋدا.
مادەنيەت سالاسىنىڭ 200-گە جۋىق قىزمەتكەرى فرانسيا، گەرمانيا، يتاليا، وڭتۇستىك كورەيا، جۇڭگو، اقش، تۇركيا، اۆستريا، ۆەنگريا، گرۋزيا جانە باسقا ەلدەردىڭ جەتەكشى الەمدىك مادەني ورتالىقتارىندا بىلىكتىلىگىن ارتتىرىپ، وقۋدان ءوتتى، دەپ حابارلايدى Almaty-akshamy.kz.
ولار - كىتاپحاناشىلار، مۇراجايتانۋشىلار، مۇراعاتشىلار، حايۋاناتتار باعىنىڭ ۆەتەرينارلارى، سيرك جانە تەاتر ارتىستەرى.
مەگاپوليستىڭ مادەني نىساندارى 100% رەنوۆاسيالىق جاڭارۋدان وتەدى. قىزمەتكەرلەر تەوريادا دا، پراكتيكادا دا زاماناۋي ستاندارتتار مەن كليەنتكە باعىتتالعان كوممۋنيكاسيانى زەرتتەۋگە باسا نازار اۋدارا وتىرىپ، جاڭا داعدىلار مەن قۇزىرەتتەرگە يە بولادى.
ايتا كەتەيىك، مۇراجاي قىزمەتكەرلەرى فرانسيانىڭ ۇلتتىق ەسكەرتكىشتەر ورتالىعىندا ءبىلىم الىپ، الەمدىك ونەر مۇراجايىنىڭ – Musée du Louvre جۇمىس تاجىريبەسىن زەرتتەدى. الماتىلىق كىتاپحاناشىلار سەۋل كىتاپحانالارىندا Gachon University جانە Namsan Public Library، Starfield Library، Nlcy، Seoul Women's University Library جانە Chung Ang University Library سياقتى تاعىلىمدامادان ءوتتى. الماتى سيركىنىڭ ارتىستەرى العاش رەت بەيجىڭ حالىقارالىق اكروباتيكا مەكتەبىندە جانە رەسەي تەاتر ونەرى ينستيتۋتى — گيتيستە بىلىكتىلىكتەرىن ارتتىردى.
«مادەنيەت سالاسىنىڭ قىزمەتكەرلەرى العاش رەت وسىنداي بىرەگەي مۇمكىندىككە يە بولدى – الەمنىڭ جەتەكشى مادەني ورتالىقتارىنىڭ قابىرعاسىندا وقىپ، كاسىبي داعدىلارىن جەتىلدىردى. قالا اكىمى ەربولات دوسايەۆ سالانى دامىتۋعا ەرەكشە كوڭىل بولەدى، بۇل اۋقىمدى ءىس-شارالاردى وتكىزۋ، مادەنيەت نىساندارىن جاڭعىرتۋ قىزمەتكەرلەردىڭ ولي- ءورىسىن دامىتۋدا. سيرك جانە جەرگىلىكتى تەاتر ارتىستەرى، مۇراجايتانۋشىلار مەن كىتاپحاناشىلار، سونداي – اق حايۋاناتتار باعى مەن مۇراعات قىزمەتكەرلەرى سوڭعى ەكى جىلدا 200-گە جۋىق ادام شەتەلدە وقىپ كەلدى»، - دەپ اتاپ ءوتتى الماتى قالاسىنىڭ مادەنيەت باسقارماسى.
