ۆەيپتەرگە نەلىكتەن تۇساۋ سالىنباي تۇر؟

ءمينيستردىڭ سوزىنشە، اتالعان تىيىم سالۋ تەتىگىن ەنگىزۋ ازىرگە رەتتەۋشىلىك اسەردى تالداۋ قاعيداتىنا سايكەس كەلمەيدى، دەپ حابارلايدى Almaty-akshamy.kz

«رەتتەۋشىلىك اسەردى تالداۋ دەگەن بار. بۇل رەتتە، بيزنەستىڭ مۇددەسىنە نۇقسان كەلتىرمەۋ ءۇشىن ءتيىستى زاڭنامالىق رەتتەۋ ءتارتىبى (جاڭا زاڭ جوباسى، ەرەجەلەر) وسى پروسەستەن ءوتۋى كەرەك. ءتيىستى زاڭ جوباسىن ازىرلەيتىن ءاربىر ۋاكىلەتتى ورگان رەتتەۋشىلىك اسەردى تالداۋ پروسەسىنەن ءوتۋى كەرەك. الايدا دەنساۋلىق ساقتاۋ مينيسترلىگى ونى جارتى جىلدان بەرى وتكىزە الماي وتىر. ءبىز ونى قايتا پىسىقتاۋ ءۇشىن بىرنەشە رەت قايتاردىق. ويتكەنى ولار مۇنى اتالعان تالداۋ پروسەسى ەرەجەلەرىنە سايكەس جاساماعان»، - دەپ ءتۇسىندىردى قۋانتىروۆ.

ءمينيستردىڭ ايتۋىنشا،  دەنساۋلىق ساقتاۋ مينيسترلىگى ءبارىن دۇرىس جاساسا، ەكونوميكا مينيسترلىگى ءتيىستى قادامدى جاساۋعا دايىن.

«ءوز باسىم ۆەيپتەرگە تىيىم سالۋدى قولدايمىن»، - دەدى ءا. قۋانتىروۆ.

ايتا كەتەيىك،  قازاقستاندا بالالاردىڭ ۆەيپ پەن باسقا دا ەلەكتروندى تەمەكى شەگۋگە قۇمارلىعى ارتىپ كەلەدى. ەلدەگى بالالاردىڭ 5،8 پايىزى ەلەكتروندى تەمەكى تارتادى ەكەن.