ىشكى ىستەر مينيسترلىگى قىلمىستىق-اتقارۋ جۇيەسى كوميتەتى ءتوراعاسىنىڭ ورىنباسارى ن.رىسپايەۆ جۇمىس ساپارىمەن الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە بارىپ، جىل قورىتىندىسىنا ارنالعان جيىنعا قاتىستى، - دەپ حابارلايدى Aqshamnews.kz.
كوميتەت ءتوراعاسىنىڭ ورىنباسارى جۇمىس ساپارى اياسىندا №72 مەكەمەسىندەگى كۇدىكتىلەر مەن شارۋاشىلىق جاساعىنداعى سوتتالعانداردى ۇستاۋ تارتىبىنە، ولارعا كورسەتىلەتىن مەديسينالىق قىزمەتتىڭ جاي-كۇيىنە، تۇرمىستىق جاعدايلارى مەن قاۋىپسىزدىك تالاپتارىنىڭ ساقتالۋىنا ەرەكشە كوڭىل ءبولدى.
سونداي-اق ن.رىسپايەۆ مەكەمە قىزمەتكەرلەرىمەن كەزدەسىپ، قاج سالاسىنداعى وزىندىك تاجىريبەلەرىمەن ءبولىستى. قىزمەتتىك ساپار بارىسىندا الماتى قالاسى بويىنشا قاجد باستىعى ەرلان ۇزاقوۆ قاجك ءتوراعاسىنىڭ ورىنباسارى ن.رىسپايەۆتى تەرگەۋ يزولياتورىنداعى كۇدىكتىلەر مەن سوتتالعاندارعا كورسەتىلىپ جاتقان الەۋمەتتىك-پسيحولوگيالىق جانە زاڭگەرلىك قىزمەتتىڭ بارىسىمەن تانىستىردى.