قاج كوميتەتى راقىمشىلىق جاساۋ اكتىسى قولدانىلاتىن ادامدار توبىن ءتۇسىندىردى، دەپ حابارلايدى almaty-akshamy.kz Polisia.kz. سىلتەمە جاساپ.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى “ق ر تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى” زاڭ جوباسىن قاراۋعا كىرىستى. قاراستىرىلىپ وتىرعان قۇجاتتا العاش رەت الەۋمەتتىك جاعىنان وسال ادامدار ۇعىمى ەنگىزىلدى.
قاراستىرىلىپ وتىرعان قۇجاتتا العاش رەت الەۋمەتتىك جاعىنان وسال ادامدار ۇعىمى ەنگىزىلدى. زاڭ جوباسىنىڭ 2-بابىنا سايكەس، ولارعا ۇلى وتان سوعىسىنىڭ قاتىسۋشىلارى مەن مۇگەدەكتەرى، قارۋلى كۇشتەر، باسقا دا اسكەرلەر مەن اسكەري قۇرالىمدار، ونىڭ ىشىندە بۇرىنعى كەڭەستىك سوسياليستىك رەسپۋبليكالار وداعى اسكەري قىزمەتشىلەرىنىڭ جەسىرلەرى جاتادى.
بۇل ساناتقا قىلمىستىق قۇقىق بۇزۋشىلىق جاسالعان كەزدە 18 جاسقا تولماعان ادامدار، 50 جاسقا تولعان جانە ودان ۇلكەن ايەلدەر، سونداي-اق 60 جاستان اسقان ەرلەر دە كىرەدى. ءبىرىنشى جانە ەكىنشى توپتاعى مۇگەدەكتەردى، جۇكتى ايەلدەردى، سوتتالعان، اتا-انا قۇقىقتارىنان ايىرىلماعان جانە وسى زاڭ قولدانىسقا ەنگىزىلگەن كۇنى كامەلەتكە تولماعان بالالاردىڭ جالعىز اتا-اناسى دەپ تانىلعان جانە اتا-انا قۇقىقتارىنان ايىرىلماعان ايەلدەردى دە نازاردان تىس قالدىرمادى.
زاڭ جوباسىندا قىلمىستىق تەرىس قىلىق جاساعان جانە زالال كەلتىرۋگە اكەپ سوقپاعان، نە ونى تولىق وتەگەن ازاماتتار مەن مەملەكەتتىڭ قاۋىپسىزدىگىنە قاتەر توندىرمەيتىن ونشا اۋىر ەمەس، سونداي-اق اۋىرلىعى ورتاشا قىلمىستار جاساعان سوتتالعانداردى جازادان بوساتۋ ۇسىنىلادى. سونداي-اق، زاڭ جوباسىندا قاراستىرىلعان ادامدار ءۇشىن نەگىزگى جازانىڭ مەرزىمى مەن مولشەرى قىسقارتىلادى.
اتالعان توپتاعى ادامدار توبىن قاراۋ كەزىندە قالعان زالالدى تولىق وتەۋى، سونداي-اق وسى زاڭ قولدانىسقا ەنگىزىلگەن كۇنى جازاسىن وتەۋگە ءبىر جىلدان اسپايتىن ۋاقىت تەرىس مىنەز-قۇلىق دارەجەسىنىڭ بولماۋى ەسكەرىلەدى.
ءوز كەزەگىندە زاڭ جوباسى جەرگىلىكتى اتقارۋشى ورگانداردىڭ ەڭبەككە قابىلەتتى ادامداردى جۇمىسقا ورنالاستىرۋىن قامتاماسىز ەتۋدە، سونداي-اق باس بوستاندىعىنان ايىرۋ ورىندارىنان بوساپ شىققاندارعا الەۋمەتتىك جانە وزگە دە كومەك كورسەتۋدە شارالار قابىلداۋىن كوزدەيدى.
قازاقستان رەسپۋبليكاسى تاۋەلسىزدىگىنىڭ 30 جىلدىعىنا راقىمشىلىق جاساۋ كامەلەتكە تولماعاندارعا جىنىستىق تيىسپەۋشىلىككە قارسى قىلمىس جاساعاندارعا، جەمقورلارعا، ادام ولتىرگەندەر مەن ەكسترەميستەرگە، قىلمىستىق توپتاردىڭ بۇرىنعى قاتىسۋشىلارىنا قاتىستى قولدانىلمايدى.
قاج كوميتەتىندە 30 جىل ىشىندە قازاقستاندا 8 راقىمشىلىق جاسالعانىن، سوڭعى ءتورت راقىمشىلىق قازاقستان رەسپۋبليكاسىنىڭ تاۋەلسىزدىك كۇندەرىنە ورايلاستىرىلعانىن اتاپ ءوتتى.